Ҳокон Фидон, вазири корҳои хориҷии Ҷумҳурии Туркия аз қатъ шудани робитаҳои иқтисодиву тиҷоратӣ бо режими саҳюнистӣ ва бастани фазои ҳавоии Туркия ба рӯи ҳавопаймоҳои исроилӣ хабар дод. Ӯ гуфт, ки ин тасмим посух ба амалкарди бесуботкунанда ва ҷиноятҳои Тел-Авив дар минтақа мебошад.

Вазири корҳои хориҷии Туркия гуфт, ки Исроил дар Ғазза даст ба “ҷинояти дастаҷамъӣ” зада ва бо ҳимояти номаҳдуди Амрико барномаи ишғоли комили ин минтақаро пеш мебарад.

Ӯ афзуд, ки ҷомеаи ҷаҳонӣ дар иҷрои масъулияти худ барои боздоштани режими саҳюнистӣ ноком мондааст. Ба гуфтаи Ҳокон Фидон, мақсади Тел-Авив рӯшан аст “ғайриқобили зист сохтани Ғазза ва маҷбур кардани мардум ба муҳоҷират”.

Вазири корҳои хориҷии Туркия афзуд, ки сиёсатҳои гуруснасозии шадид бар зидди аҳолии Ғазза ба марги ҳазорон фаластинӣ анҷомида ва ҷиноятҳои Исроил дигар фақат ба Ғазза маҳдуд намешаванд, балки Қудс, Каронаи Ғарбӣ, Сурия, Эрон ва Лубнонро низ дар бар мегиранд.

Ӯ, ҳамчунин гуфт, ки бо вуҷуди талошҳои ҳамоҳангшудаи Туркия бо Қатар ва Миср барои пайдо намудани роҳи ҳал ба масъалаи Фаластин, Тел-Авив ҳамчунон мехоҳаад бо ҳамлаҳои пай дар пай ва ҳатто бо ҳамла ба Масҷиди Ақсо сатҳи низоъро боло барад.

Вазири корҳои хориҷии Туркия гуфт, ки иҷозаи идомаи чунин сиёсатҳоро намедиҳад ва ташдиди низоъ миёни Исроил ва Эрон метавонад амният ва суботи минтақаро зери хатар қарор диҳад.

Dialog.tj