РУС ТОҶ
15 Октябр 2026,
панҷшанбе, 00:15, Душанбе
Диалог. Тоҷикистон ва ҷаҳон
РУС ТОҶ
Афғонистон
14.10.2026 17:52

ЮНИСЕФ: беш аз 2,6 миллион духтар дар Афғонистон аз таҳсил маҳрум шудаанд

Беш аз 2,6 миллион духтар дар Афғонистон аз соли 2021 ба ин сӯ аз ҳаққи таҳсил маҳрум шудаанд. Дар ин бора Сандуқи кӯдакони Созмони Милали Муттаҳид (ЮНИСЕФ) хабар додааст.

Ба гузориши расонаҳо, ЮНИСЕФ дар гузориши худ гуфтааст, ки маҳдудиятҳои гурӯҳи террористии Толибон имкони таҳсилро аз духтарон гирифта, бисёре аз онҳоро дар хона нигоҳ доштааст.

Ба иттилои ин созмон, духтароне, ки синфи шашумро хатм кардаанд, наметавонанд таҳсили худро идома диҳанд. Бархе аз онҳо бинобар баста будани дарҳои мактаб, орзуи идомаи таҳсил ва касбҳое чун духтур шуданро аз даст додаанд.

ЮНИСЕФ таъкид кардааст, ки маҳрумият аз таҳсил на танҳо ояндаи таҳсил ва касбандӯзии духтаронро маҳдуд мекунад, балки ба вазъи равонии онҳо низ таъсир расонда, эҳсоси танҳоӣ ва ноумедиро афзоиш медиҳад.

Ин созмон гуфтааст, ки ҳамчунон аз таҳсилоти ибтидоӣ ва барномаҳои омӯзишӣ барои духтарону писарон дар Афғонистон пуштибонӣ мекунад. Ин кумакҳо аз сохтану бозсозии мактабҳо, омӯзиши омӯзгорони зан ва таъмин намудани маводи таълимӣ иборатанд.

Dialog.tj

Хатти хабарҳо

Сиёсати хориҷӣ
14.10.2026 18:23

Вазорати хориҷии Тоҷикистон ҳамла ба фурудгоҳҳо ва зерсохторҳои энергетикии Арабистони Саудиро маҳкум кард

Вазорати корҳои хориҷии Ҷумҳурии Тоҷикистон бо нашри як изҳорот аз ҳамла ба фурудгоҳҳо ва зерсохторҳои энергетикии Арабистони Саудӣ, ки боиси кушта ва захми шудани шаҳрвандони ин кишвар шудаанд, изҳори нигаронӣ кардааст.
Шарқи Наздик
14.10.2026 17:45

Таҳлилгари Саудӣ: Арабистони Саудӣ қасд дорад ба зерсохторҳои энергетикии Яман ҳамла кунад

Навоф Убайд, таҳлилгари масоили амниятӣ ва иттилоотӣ мегӯяд, Арабистони Саудӣ дар марҳалаи аввали нақшаи худ алайҳи Яман ба манобеи барқ ва энержии ин кишвар ҳамла хоҳад кард.
Сиёсати хориҷӣ
14.10.2026 16:44

Президенти кишвар бо сафари корӣ ба Ҷумҳурии Озарбойҷон рафтанд

Имрӯз, 14-уми октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои иштирок дар Ҳамоиши ҳафтуми Машварати ҳамкорӣ ва тадбирҳои боварӣ дар Осиё ба шаҳри Бокуи Ҷумҳурии Озарбойҷон сафар карданд.
Илм
14.10.2026 16:13

Дар даври чоруми «Илм – фурӯғи маърифат» 700 довталаб иштирок мекунад

Вазорати маориф ва илми Ҷумҳурии Тоҷикистон бо нашри иттилоияе хабар дод, ки даври чоруми Озмуни ҷумҳуриявии «Илм – фурӯғи маърифат» аз 19-ум то 28-уми октябр дар Донишгоҳи байналмилалии сайёҳӣ ва соҳибкории Тоҷикистон баргузор мегардад.
ВМКБ
14.10.2026 12:23

Иштироки Рустами Эмомалӣ дар маросими ифтитоҳи Академияи футболи ВМКБ

Имрӯз, 14-уми октябр президенти Федератсияи футболи Тоҷикистон Рустами Эмомалӣ дар маросими ифтитоҳи Академияи футболи Вилояти Мухтори Кӯҳистони Бадахшон, ки дар ноҳияи Дарвоз баргузор гардид, иштирок намуд.
Муноқишаи Русия ва Украина
14.10.2026 12:14

Дипломати рус: Дар ҳамлаи Украина ба хоки Русия кӯдакону ғайринизомиён кушта мешаванд

Радион Мирошник, дипломати рус мегӯяд, дар натиҷаи ҳамлаҳои як ҳафтаи ахири Украина ба хоки Русия 52 ғайринизомӣ, аз ҷумла 5 кӯдак куштаву 270 нафари дигар захмӣ шудаанд.