Ба пешвози 35-солагии истиқлоли давлатии Ҷумҳурии Тоҷикистон дар шаҳри Хуҷанди вилояти Суғд бар асоси нақша бунёди 950 иншооти таъиноташ гуногун бо суръат идома дорад. Мақомоти расмии вилоят иттилоъ медиҳанд, ки то ба имрӯз 900 иншоот ба истифода дода шуда ва нақша 94 фоиз иҷро шудааст.

Иншооти навбунёд дорои аҳамияти иҷтимоӣ, хизматрасонӣ ва маъмурӣ буда, сохтмони онҳо дар заминаи рушди босуръати аҳолии шаҳр ва ниёз ба беҳтарсозии муҳити зист сурат мегирад. Яке аз лоиҳаҳои муҳимми инфрасохторӣ, ки дар марҳилаи иҷро қарор дорад, навсозии шабакаи обу корези хиёбони ба номи Раҳмон Набиев аст. Бар асоси лоиҳаи тасдиқшуда 2100 метр қубурҳои обу корез нав карда мешаванд.

Ҳамзамон дар кӯчаи Мақсудҷон Танбурӣ низ хобондани ду қубури нави обгузор бо дарозии умумии 400 метр дар назар аст.

Лоиҳаи мазкур бо назардошти стандартҳои замони муосир таҳия шуда, иҷрои онҳо бо сифат ва дар муҳлатҳои муайян пешбинӣ шудааст. Мақомот таъкид мекунанд, ки татбиқи ин иқдомҳо ба рушди устувори инфрасохторӣ ва баданд бардоштани сатҳи зиндагии сокинони шаҳри Хуҷанд мусоидат мекунад.

Dialog.tj