Мақомоти полиси Федератсияи Русия Гусейн Гасановро дар дораи парвандаи ҷиноии пулшӯӣ, напардохтани андоз муттаҳам дониста, дар кофтукови байналмилалӣ қарор доданд. Бар асоси ин иттиҳомот Гусейн Гасанов метавонад то 7 сол аз озодӣ маҳрум гардад.

Кумитаи тафтишотии Федератсияи Русия хабар дод, ки блогер Гусейн Гасанов дар кофтукови ҷиноии байналмилалӣ қарор дорад.

Тибқи иттилоъ, Гусейн Гасанов дар солҳои 2019-2021 аз пардохти андоз ба маблағи 170 миллион рубл сарпечӣ кардааст. Ӯ барои қонунӣ намудани ин ҳаҷми маблағҳо,  амалиёти молиявӣ ба маблағи беш аз 20 миллион рубл анҷом додааст.

Гусейн Гасанов дар вокуниш ба ин хабарҳо дар саҳифаи худ дар шабакаи иҷтимоии Инстаграм навишт, ки чунин вазъият садо додааст, аммо “ҳама чиз он қадар фоҷеавӣ” нест. Ӯ афзуд, ки ҳама масъалаҳои вобаста ба пардохти андозро ҳал кардаанд ва ҳоло ба ин парванда машғул мебошанд.

Гусейн Гасанов дар Инстаграм беш аз 30,4 миллион обуначӣ дорад. Ӯ дар саҳифаҳои худ фаъолона дарси “Андешаи миллионер” – шуданро тарғиб мекард ва ба мардум ваъда медод, ки роҳҳои ҳалоли даромад ба даст оварданро пеша кунанд.

Dialog.tj