8 Июл 2025,
сешанбе, 13:06, Душанбе
18.02.2025 18:13

Чашмакии 300 миллиардолларии Путин ба Трамп

Мавқеи Федератсияи Русия қабл аз оғози музокирот ин аст, ки Доналд Трамп ҳалкунундаи бисёре аз мушкилот ва масъала мебошад.

Сергей Лавров, вазири корҳои хориҷии Русия дар Риёз ҳамакнун дар ҳоли музокира бо мақомҳои аршади амрикоӣ, аз ҷумла Марко Рубио, вазири корҳои хориҷаи Амрико аст. Ин гуфтугӯҳо бо ҳадафи поён додан ба ҷанги Украина ва бозсозии “маҷмуаи комил”-и  робитаҳои Русия ва Амрико баргузор мешавад. Вазири корҳои хориҷа ва дигар мақомоти Арабистони Саудӣ ҳам дар он иштирок доранд.

Арзёбии Русия аз Трамп

Кирилл Дмитриев, директори генералии Хазинаи сармоягузории мустақими Русия рӯзи сешанбе дар мавриди ин музокира хушбинии худро баён намуда, чунин таъкид сохт: “Мо воқеан бовар дорем, ки президент Трамп ва тими ӯ ҳалкунандаи мушкилот ва масъалаҳо ҳастанд...”

Кирилл Дмитриев, ки таҳсилоти худро дар Амрико гузаронида ва қаблан дар бонки “Goldman Sachs” фаъолият кардааст, дар барқарор кардани робитаҳои ибтидоӣ миёни Маскав ва Вашингтон дар давраи аввали президентии Трамп (2016-2020) нақши муҳим бозидааст. 

Ҳоло ӯ дар ин муозокирот иштирок дорад ва дар бораи барқарории малағҳои сарфшудаи Амрико назароти худро чунин баён намудааст: “Бояд дар назар дошт, ки касбу корҳои амрикоӣ аз замони хуруҷ аз Русия 300 миллиард доллар зарар кардаанд. Бинобар ин, таъсири иқтисодии азиме бар бисёре аз кишварҳо гузошта шуда ва мо бовармандем, ки масири оянда бояд бар пояи роҳи ҳалҳо бошад”.

Таҳаввулоти Аврупо ва вокуниш ба музокироти Амрико бо Русия

Ин музокирот дар ҳоле анҷом мешавад, ки раҳбарони аврупоӣ рӯзи душанбе дар Париж гирди ҳам омаданд, то дар бораи як стратегияи муштарак тавофуқ кунанд. Онҳо аз фишори Трамп барои оғози фаврии музокирот дар мавриди Украина, ки пас аз тамоси телефонии ӯ бо Путин дар ҳафтаи гузашта анҷом шуд, ғофилгир шуданд.

Роҳбарони аврупоӣ эълон карданд, ки сармоягузории бештаре дар бахши дифоӣ анҷом хоҳанд дод ва нақши роҳбариро дар тазминҳои амниятӣ ба Украина бар уҳда хоҳанд гирифт.

Дик Схоф, сарвазири Ҳолланд дар шабакаи иҷтимоии “Х” навишт:

“Ҳама аз хатарҳо ва фаврияти вазъият огоҳанд. Дар ин лаҳзаи ҳассос барои амнияти Аврупо мо бояд ҳамчунон пуштибони Украина бошем. Аврупо бояд нақши худро дар таъмини амният дар ҳар гуна созишнома иҷро кунад ва ҳамкорӣ бо Амрико дар ин замина зарурурӣ аст”.

Хатгардон аз хабаргузории “independentpersian.com

Хатти хабарҳо

08.07.2025 11:55

Трамп ба маҳсулоти воридотӣ аз Қазоқистон 25% боҷи гумрукӣ ҷорӣ кард

Президенти Иёлоти Муттаҳидаи Амрико Доналд Трамп бо содир кардани як қарор расман эълон кард, ки аз 1-уми августи соли 2025 ба воридоти тамоми молҳои истеҳсолии Қазоқистон боҷи гумрукӣ дар ҳаҷми 25% ҷорӣ мекунад. Ин иқдом, ба гуфтаи ӯ, посух ба “сиёсати нобаробарии тиҷоратӣ ва мавҷудияти монеаҳои гумрукӣ ва ғайригумрукӣ аз ҷониби Қазоқистон” аст.
08.07.2025 11:42

Озода Махкамова: “Аввал таҳсилу таҷрибаомӯзӣ баъд хизмат ба Ватан”

Тайи солҳои охир бо ташаббуси Ҳукумати мамлакат бо даҳҳо кишвари пешрафтаи дунё созишнома имзо гардида, ҷавонони зиёд аз ҳисоби бурсияҳои барои Ҷумҳурии Тоҷикистон ҷудошуда дар он давлатҳо таҳсил карда истодаанд. Ин иқдом ба ҷавонони тоҷик имкон медиҳад, ки бештару беҳтар касбҳои бозоргирро дар беҳтарин муассисаҳои олии касбӣ аз худ карда, мутахассиси сатҳи баланд гарданд. Дар ҳоли ҳозир зиёда аз 42 ҳазор ҷавони тоҷик дар макотиби миёна ва олии касбии хориҷи кишвар таҳсил карда истодаанд, ки умед аст пас аз хатм ба Ватан баргашта, дар соҳаҳои гуногун фаъолият менамоянд.
08.07.2025 11:35

Путин: “БРИКС дар ҳоли табдил шудан ба як қувваи ҷаҳонии воқеӣ аст”

Владимир Путин, президенти Федератсияи Русия дар як паёми видеоӣ ба Маҷлиси умумии гурӯҳи БРИКС дар шаҳри Рио-де Жанейро аз нуфуз ва иқтидори афзояндаи ин эътирофи иқтисодиву сиёсӣ сухан гуфт. Ба гуфтаи ӯ, БРИКС имрӯз дигар на фақат як платформаи минтақавӣ нест, балки ба як маркази таъсиргузори ҷаҳонӣ табдил меёбад, ки метавонад ҷойгузини сохторҳои суннатии ҷаҳонӣ шавад.
08.07.2025 11:23

“Ҳизби Амрико”. Илон Маск бар зидди низоми дуҳизбии Амрико қиём мекунад

Илон Маск, сарватмандтарин марди ҷаҳон ва мудири иҷроияи ширкати Тесло бо эълони таъсиси ҳизби сиёсие бо номи “Ҳизби Амрико” низоми сиёсии дуҳизбии Иёлоти Муттаҳидаро таҳти суол қарор дод. Ӯ ин иқдомро посухе ба “низоми фасодзадае, ки дигар мардуми Амрикоро намояндагӣ намекунад” унвон кард.
08.07.2025 10:58

Чеҳраҳои саршиноси эронӣ мегӯянд “Ирон интернешнл” ба минбари террористон ва Исроил табдил шудааст

Як гурӯҳ нухбаҳои расонаӣ, иҷтимоӣ ва сиёсии Эрон, иборат аз 450 нафар бо нашри як изҳорот аз фаъолияти шабакаи телевизионии “Ирон интернешнл” шадидан интиқод намуда, гуфтаанд, ки ин расона дар ҷараёни ҳамлаи Исроил ба хоки Эрон ба минбари Исроил табдил шуда буд.
08.07.2025 08:44

Нетаняҳу дар Кохи сафед дар бораи ҳамлаи дубора ба Эрон суҳбат мекунад

Дар ҳоле, ки музокироти эҳтимолии атомии Эрон бо Иёлоти Муттаҳида дубора дар маркази таваҷҷуҳи байналмилалӣ қарор дорад, мақомоти Исроил аз эҳтимоли гирифтани иҷозаи нав барои ҳамла ба Ҷумҳурии Исломии Эрон аз сӯи ҳукумати Доналд Трамп хабар медиҳанд.
07.07.2025 13:11

Ҷоизаи филми “Дар талоши ҳақиқат” аз Синамоҷашнвораи байналмилалии “Камелияи тиллоӣ”

Муассисаи давлатии “Тоҷикфилм” хабар медиҳад, ки филми ҳунарии “Дар талоши ҳақиқат”, ки бо коргардонии Манзаралӣ Шералӣ таҳия гардидааст, дар Синамоҷашнвораи байналмилалии давлатҳои аъзои Cозмони ҳамкории Шанхай “Камелияи тилоӣ” ба ҷоизаи махсуси ҳайати ҳакамон қадрдонӣ шуд.
07.07.2025 11:27

Финали барвақт? Дар марҳилаи нимниҳоии Ҷоми ҷаҳонии бошгоҳҳо “Реал Мадрид” ва “ПСЖ” рақобат мекунанд

Дар марҳилаи чаҳорякниҳоии Ҷоми ҷаҳонии бошгоҳҳо “Реал Мадрид” ва “Боруссия”-и Дортмунд бо ҳам рақобат карда, бозӣ бо ҳисоби 3 бар 2 ба фоидаи “Реал Мадрид” ба анҷом расид.