19 Июл 2025,
шанбе, 03:55, Душанбе
17.02.2025 09:13

Вазири эронӣ чеҳраҳо ва ҳунармандони тоҷикро ба Эрон даъват кард

Вазири эронӣ дар 18-умин Намоишгоҳи байналмилалии сайёҳии Эрон аз намояндагони Тоҷикистон хост, ки чеҳраҳои шинохта ва ҳунармандони тоҷик ва эронӣ барои ошноӣ аз ҷозибаҳои сайёҳӣ ба кишварҳои ҳамдигар сафар кунанд.

Солеҳ Амирӣ, вазири мероси фарҳангӣ, сайёҳӣ ва саноати дастии Ҷумҳурии Исломии Эрон дар мулоқот бо Ҷашед Ҷумахонзода, раиси Кумитаи рушди сайёҳии назди Ҳукумати Ҷумҳурии Тоҷикистон бо таъкид ба таҳкими робитаҳо сафари ҳунармандон ва чеҳраҳои шинохта ба Эрон ва Тоҷикистонро пешниҳод кард. Ӯ бо ин пешниҳод таъкид намуд, ки сафари чеҳраҳои шинохта ва ҳунармандони ду кишвар заминагузори муаррифии имкониятҳои фарҳангӣ ва сайёҳии Эрону Тоҷикистон хоҳад шуд.

“Эрон ва Тоҷикистон як миллат ва ду давлат ҳастанд ва барои рушди робитаҳо ҳеч монеае надорем. Мо барои ҳамкорӣ бо Тоҷикистон 100 далел дорем, аммо ҳатто як далел барои ҳамкорӣ накардан надорем” – гуфт Солеҳ Амирӣ.

Дар ҷараёни мулоқот вазири эронӣ Солеҳ Амирӣ гуфт, ки муштаракоти фарҳангӣ миёни Эрон ва Тоҷикистон бисёр густурда аст ва дар сафар ба Тоҷикистон шоҳиди ин муштаракоти фарҳангӣ будааст. Ӯ гуфт, ки шумораи сайёҳони эронӣ аз 8 ҳазор нафар ба 100 ҳазор нафар расидааст ва ҷониби Эрон дар талош аст, ки шумораи сайёҳон боз ҳам афзоиш ёбад.

“Илова ба рушди сайёҳӣ мо Тоҷикистонро шарики тиҷоратии худ дар минтақа медонем ва сафари доктор Масъуд Пизишкиён ба Тоҷикистон нишондиҳандаи аҳамияти ин кишвар барои Эрон аст” – илова кард вазири Эронӣ Солеҳ Амирӣ.

Солеҳ Амирӣ ва Ҷамшед Ҷумахонзода дар ҷараёни музокирот созишномаҳои ҳамкорӣ дар бахши сайёҳиро имзо намуданд, ки саҳифаи навро дар муносибатҳои дуҷониба боз мекунад.

Солеҳ Амирӣ ҳамчунин, бо ишора ба сафари ахираш ба Тоҷикистон ва имзои созишномаҳо барои мусоид сохтани зерсохтҳо, аз ҷумла роҳандозии парвозҳои мустақими ҳавоӣ хабар дод ва гуфт: “Қарор шуд ҷозибаҳои сайёҳии Эрон дар Тоҷикистон ва ҷозибаҳои сайёҳии Тоҷикистон дар Эрон муаррифӣ шавад. Аз зарфияти шабакаҳои иҷтимоӣ барои ин амр истифода хоҳем кард ва ҳамчунин, бо раиси Созмони садо ва симо суҳбат кардем, то рекламаҳои сайёҳии Тоҷикистон дар Эрон анҷом шавад”.

Вазири эронӣ ҳамчунин, пешниҳод намуд, ки шабҳои фарҳангии Душанбеву Теҳрон барои густариши робитаҳи фарҳангӣ баргузор шавад. Инчунин, доир намудани намоишгоҳҳои саноати дастӣ ва офаридаҳои ҳунарии ду кишвар метавонад боиси тақвияти равобити дуҷонибаи фарҳангӣ шавад.

Раиси Кумитаи рушди сайёҳии Тоҷикистон Ҷамшед Ҷумахонзода дар ин мулоқот ба муштаракоти фарҳангии ду кишвар ишора намуда, таъкид кард, ки “Такя ба муштаракоти фарҳангӣ метавонад боиси равнақи ҳарчӣ бештари сайёҳӣ миёни ду кишвар шавад”.

Ҷамшед Ҷамахонзода аз пешниҳоди вазири эронӣ доир ба муаррифии арзишҳои барҷаста ва ҷозибаҳои сайёҳии ду кишвар истиқбол намуда, афзуд, ки “Ин пешниҳодҳо метавонанд робита ва ҳамкории ҳунармандони ду кишварро тақвият намоянд”.

Dialog.tj

Хатти хабарҳо

18.07.2025 18:28

Мавҷи гармо дар Аврупо: Ҳудуди 2300 нафар дар 12 шаҳр ҷони худро аз даст доданд

Бар асоси таҳлили илмие, ки рӯзи чоршанбе нашр шуд, ҳудуди 2300 нафар дар 12 шаҳри Аврупо бар асари таъсири мавҷи гармо ҷон бохтаанд. Ба гуфтаи таҳлилгарон тағйироти иқлимӣ сабаби шиддат гирифтани гармо ва маргҳои вобаста ба он шудаанд.
18.07.2025 18:03

Дар Тайланд писарбачаи 8-солае пайдо шуд, ки дар зери тарбияи сагҳо ба воя расидааст

Мақомоти Тайланд дар шимоли кишвар, дар вилояти Уттарадит писарбачаи ҳаштсолаеро пайдо намуданд, ки дар давоми чанд соли ахир бо шаш саг ва бидуни назорати инсон ба воя расидааст.
18.07.2025 17:48

Ҷанҷоли нав дар Сурия. Ҷӯлонӣ бо аъзои хонаводааш аз Димишқ фирор кардааст

Хабарҳои зидду нақиз дар расонаҳои арабӣ дар бораи Аҳмад Шаръ, раҳбари кунунии ҳукумати Сурия нашр мешавад. Ин хабарҳо вокунишҳои густурдаи дохилӣ ва байналмилалиро ба вуҷуд овардааст.
18.07.2025 11:28

Як ҳайати амниятии Толибон ба Русия сафар мекунад

Рӯзномаи русии "Независимая газета" хабар дод, ки ҳайате аз мақомоти амниятии гурӯҳи террористии Толибон, ки ахиран аз ҷониби Маскав расман ба ҳайси Аморати Исломии Афғонистон эътироф шудааст, дар ояндаи наздик ба пойтахти Русия сафар хоҳад кард.
18.07.2025 11:20

Кохи сафед: Трамп ба норасоии музмини варидӣ мубтало шудааст

Кохи сафед рӯзи панҷшанбе эълон кард, ки натиҷаи ташхиси ултрасадо дар пойҳо ва дасти Доналд Трамп, президенти Амрико нишон додааст, ки ӯ ба норасоии музмини варидӣ мубтало шудааст. Ин беморие, ки бештар дар миёни афроди синнашон аз 70 боло мушоҳида мешавад.
18.07.2025 11:01

Амрико бо нусхабардорӣ аз “Шоҳид” –и Эрон бесарнишини нав сохта аст

Вебгоҳи амрикоии Defense Blog гузориш додааст, ки Иёлоти Муттаҳидаи Амрико аз як дрони низомии камхарҷ бо номи LUCAS (Лукас) парда бардоштааст, ки ба гуфтаи ин манбаъ, бо шабоҳати зиёд ба дрони "Шоҳид"-и Эрон тарҳрезӣ шудааст.
18.07.2025 10:41

Бо номи мустаъор саҳифа накушоед. Масъули саҳифаи “zevarzoda_fors” боздошт шуд

Раёсати Вазорати корҳои дохилӣ дар шаҳри Душанбе аз боздошти ҷавондухтаре хабар дод, ки дар шабакаи иҷтимоии Инстаграм барои ба даст овардани маблағ ба паст задани шаъну шарафи корбарони фазои маҷозӣ машғул буд.
18.07.2025 10:03

Тандурустӣ: Омӯзишу таҷрибагирии 192 мутахассиси соҳа дар хориҷи кишвар

Дар ҷаласа ҳайати мушовараи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон фаъолияти вазорат ва зерсохторҳои он дар шашмоҳаи аввали соли 2025 таҳлилу баррасӣ гардид.