РУС ТОҶ
27 Октябр 2026,
сешанбе, 11:14, Душанбе
Диалог. Тоҷикистон ва ҷаҳон
РУС ТОҶ
Покистон
27.10.2026 09:18

Вазорати хориҷии Покистон: Амалиёти низомӣ дар Афғонистон дар посух ба ҳамлаҳои террористӣ анҷом шудааст

Вазорати корҳои хориҷии Покистон мегӯяд, ки амалиёти низомии ин кишвар дар Афғонистон дар посух ба ҳамлаҳои террористӣ анҷом шуда, танҳо “террористҳо” ва пойгоҳҳои пуштибонии онҳоро ҳадаф қарор додааст.

Ин вазорат рӯзи душанбе, 26-уми октябр, бо нашри як баёния иддаоҳои Толибонро дар бораи талафоти ғайринизомиён дар ин амалиёт рад карда, гуфтааст, ки паҳн кардани маълумоти нодуруст наметавонад таҳдиди гурӯҳҳои террористии фаъол дар Афғонистонро пинҳон кунад.

Бар асоси баёния, ҳамлаҳое, ки ба гуфтаи Покистон аз хоки Афғонистон анҷом шудаанд, танҳо дар соли 2026 беш аз 3 ҳазору 500 нафарро куштаву захмӣ кардаанд.

Исломобод ҳамчунин, Толибонро ба фароҳам кардани паноҳгоҳ барои гурӯҳҳои мусаллаҳ муттаҳам кардааст.

Покистон аз ҷомеаи ҷаҳонӣ хостааст, ки Толибонро водор созад то аз истифодаи хоки Афғонистон барои ҳамла ба ин кишвар ҷилавгирӣ кунанд.

Исломобод ҳамчунин, гуфтааст, ки ҳамлаҳои фаромарзӣ пас аз ба қудрат расидани Толибон дар соли 2021 афзоиш ёфтаанд ва ин кишвар барои ҳифзи соҳибихтиёрӣ ва амнияти шаҳрвандони худ ҳаққи анҷом додани иқдомоти заруриро барои худ нигоҳ медорад.

Ин изҳорот дар ҳолест, ки Толибон ҳамеша иддаои Покистонро рад карда, гуфтаанд, ки аз хоки Афғонистон зидди ҳеч кишваре истифода намешавад.

Dialog.tj

 

Хатти хабарҳо

Аврупо
27.10.2026 09:57

Швейтсария равобити худро бо Кореяи Шимолӣ эҳё мекунад

Инятсио Кассис, вазири корҳои хориҷии Швейтсария ҳафтаи ҷорӣ ба Кореяи Шимолӣ сафар карда, бо мақомоти ин кишвар масъалаҳои сиёсӣ ва амниятиро баррасӣ мекунад. Ҳамчунин, дар ҷараёни ин сафар дафтари намояндагии дипломатии Швейтсария дар Пхенян расман боз мешавад.
Аврупо ва Америка
27.10.2026 09:46

Трамп: “Эрон мушаке дорад, ки метавонад ба Аврупо бирасад”

Доналд Трамп, раиси ҷумҳури ИМА, иддао кард, ки Эрон мушаке дар ихтиёр дорад, ки метавонад ба Аврупо бирасад. Ӯ ҳамчунин, дар бораи оғози ҷанг бо Эрон, оташбас ва муҳосираи баҳрии ин кишвар изҳори назар кард.
Русия
27.10.2026 09:28

Русия ва Беларус аз омодагӣ ба муқобила бо ҳар гуна таҳдид хабар доданд

Борис Гризлов, сафири Русия дар Беларус гуфт, ки силоҳҳои ҳастаии Русия дар қаламрави Беларус мустақар буда, низомҳои мушакии “Орешник” дар ҳолати омодабош қарор доранд. Ба гуфтаи ӯ, ҳар гуна иқдоми низомии таҷовузкорона алайҳи ду кишвар бо посухи шадид ва қатъӣ рӯ ба рӯ хоҳад шуд.
Покистон
27.10.2026 09:18

Вазорати хориҷии Покистон: Амалиёти низомӣ дар Афғонистон дар посух ба ҳамлаҳои террористӣ анҷом шудааст

Вазорати корҳои хориҷии Покистон мегӯяд, ки амалиёти низомии ин кишвар дар Афғонистон дар посух ба ҳамлаҳои террористӣ анҷом шуда, танҳо “террористҳо” ва пойгоҳҳои пуштибонии онҳоро ҳадаф қарор додааст.
Сиёсати дохилӣ
26.10.2026 16:44

Дар як қатор вазорату кумитаҳо таъиноти кадрӣ сурат гирифт

Имрӯз, 26-уми октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон муовинони вазирони вазоратҳои адлия, молия, рушди иқтисод ва савдо, маориф ва илм, кумитаҳои таҳсилоти ибтидоӣ ва миёнаи касбӣ, меъморӣ ва сохтмон, рушди сайёҳӣ, Агентии назорати давлати энергетикии назди Президенти Ҷумҳурии Тоҷикистон, Агентии беҳдошти замин ва обёрӣ ва дигар мақомоти назди Ҳукумати Ҷумҳурии Тоҷикистон оид ба самти рақамикунониро таъин намуданд.
Шарқи Наздик
26.10.2026 14:27

Писари муассиси “Ликуд”: Нетаняҳу барои ҳамаи мо таҳдид аст

Бенӣ Бегин, писари Менахем Бегин, нахуствазири пешини Исроил ва муассиси ҳизби “Ликуд”, дар остонаи интихоботи Кнессет аз ҷонибдорони ин ҳизб даъват кард, ки ба неруҳои сиёсии хостори барканории Бенямин Нетаняҳу раъй диҳанд. Ӯ нахуствазири феълиро “таҳдид барои ҳамаи мо” номид.
Ҷомеа
26.10.2026 10:58

Заминҷунбӣ дар Афғонистон, Тоҷикистон, Покистон ва Узбекистон ба қайд гирифта шуд

Бинобар иттилои Маркази мониторинги сейсмикии Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон, 25 октябр, соати 22:44:27 бо вақти Тоҷикистон дар қаламрави Ҷумҳурии Исломии Афғонистон заминҷунбӣ ба қайд гирифта шуд.