РУС ТОҶ
16 Июл 2025,
чоршанбе, 02:06, Душанбе
Диалог. Тоҷикистон ва ҷаҳон
РУС ТОҶ
Авруосиё
11.01.2025 10:51

Трамп қасд дорад, бо Путин ва Си Ҷинпин мулоқот кунад

Президенти Амрико Доналд Трамп гуфт, ки дар ҳоли барномарезӣ барои дидор бо президенти Федератсияи Русия Владимир Путин аст. Трамп аз ҷузъиёте, ки дар ин дидор бо Владимир Путин бояд матраҳ кунад, чизе нагуфт.

“Путин мехоҳад бо мо дидор кунад ва ин мавзуъро эълон кардааст. Мо дар ҳоли барномарезӣ барои анҷоми он ҳастем”-таъкид кардааст Президенти Амрико.

Ҳамчунин, Доналд Трамп гуфтааст, ки ният дорад бо президенти Ҷумҳурии Халқии Чин Си Ҷинпин низ дидор ва мулоқот намояд. Вай таъкид кардааст, ки бо Чин метавонад хуб кор кунад. Дар давраи аввали президентӣ Доналд Трамп сиёсати таҳоҷумии иқтисодиро дар қиболи Чин дар пеш гирифта буд.

Президенти Амрико Доналд Трамп қаблан гуфта буд, ки мақсад дорад, дар 6 моҳи аввали президентии худ бо Владимир Путин мулоқот кунад. Трамп, ки равобити наздик бо Владимир Путин дорад, эълон карда буд, ки дар аввалин рӯзҳои президентии худ ба ҷанги Украина поён хоҳад дод.

Трамп дар ҳоле аз мақсади мулоқот бо Владимир Путин мегӯяд, ки сухангӯйи Кремлин Дмитрий Песков эълон намуд, то ҳанӯз аз Вашингтон даъвати расмӣ барои анҷоми чунин мулоқот дарёфт накардаанд.

Қаблан як вакили парлумони Олмон гуфта буд, ки Трамп дар моҳи март бо Путин дидор хоҳад кард. Вале ин хабар аз ҷониби Русия рад шуд.

Dialog.tj

Хатти хабарҳо

Тарзи зиндагӣ
14.07.2025 10:08

Шоҳин Муродов: “Дар блогинги тоҷик шахсони ҳирфаӣ кам ҳастанд”

Дуруст аст, ки роҳи расидан ба муваффақият ҳамвор нест ва ҳар кас аз ноҳамвориҳои зиёд мегузарад. Илова бар ин, ҳеч кас пешгӯӣ карда наметавонад, ки дар кадом соҳа муваффақ шуда метавонад, зеро бисёриҳоро медонем, ки дар касбу кори тамоман дигар комёб шудаанд. Яке аз чунин касон ҳамсуҳбати мо Шоҳин Муродов мебошад.
Тоҷикистон - Русия
13.07.2025 08:59

И. Усмонов: “Ҳамкорӣ бо Русия агар аз ҳарду тараф софдилона иҷро шавад, ба ҳарду тараф ҳам фоида меорад”

Дар шаҳри Маскав бо ташаббуси мақомоти масъули идеологии Федератсияи Русия, аз ҷумла Дастгоҳи иҷроияи Президенти Русия, Вазорати корҳои хориҷӣ ва як қатор муассисаҳои таҳсилоти олии соҳавӣ, аз ҷумла Донишгоҳи иқтисод ва сиёсати хориҷии ба номи Е.М. Примаков, Форуми байналмилалии илмӣ-коршиносии “Хонишҳои Примаков” баргузор гардид. Дар маросими кушодашавии он, ки рӯзи 23-уми июн баргузор гардид, Юрий Ушаков, ёрдамчии Президенти Федератсияи Русия, муовини Думаи давлатӣ ва Дмитрий Песков, сухангӯи Президенти Русия иштирок ва суханронӣ намуданд. Рӯзи дуюми чорабинӣ Сергей Лавров, вазири корҳои хориҷии Русия суханронӣ кард.
Ҷомеа
12.07.2025 10:26

Меҳрнигори Рустам: “Агар суруди миллиро намедонистам...”

Шоми гузашта дар шабакаҳои иҷтимоӣ як навори кӯтоҳе ба гардиш даромад, ки дар он сарояндаи шинохтаи тоҷик Меҳрнигори Рустам суруди миллиро қироат карда, дар мисраи дуюми он хато мекунад. Дар шарҳи навори мазкур корбарон ҳар гуна суханҳои қабеҳ гуфтанд.
Эрон
12.07.2025 10:21

Ироқчӣ: “Агар Амрико кафолат диҳад, ки ба Эрон ҳамла намешавад, ба музокира бармегардем”

Сайид Аббос Ироқчӣ, вазири корҳои хориҷии Ҷумҳурии Исломии Эрон дар гуфтугӯ бо рӯзномаи “Ле Монд” –и Фаронса гуфт, ки Эрон ҳамеша ба музокирот бар асоси иззат, мантиқ ва эҳтироми мутақобил пойбанд буда. Ӯ дар ин хусус афзуд, ки ҳамеша миёни Эрон ва кишварҳои дигар тамосҳои дипломатӣ ҷараён дорад.
Саноат
12.07.2025 10:07

Эмомалӣ Раҳмон оғози сохтмони корхонаи сурмаи Айниро расман эълон намуданд

Эмомалӣ Раҳмон, президенти Ҷумҳурии Тоҷикистон дар доираи сафари расмӣ ба ноҳияи Айнӣ ба таври маҷозӣ оғози сохтмони корхонаи истихроҷи сурмаи ҶСК “Паҳандра Майнинг”-ро эълон карданд. Дар ин бора дафтари матбуоти президенти Ҷумҳурии Тоҷикистон хабар додааст.
Узбекистон
12.07.2025 09:48

Ӯзбекистон гузориши СММ дар бораи Гулнора Каримоваро беасос номид

Ҳукумати Ӯзбекистон ба изҳороти ахири Гурӯҳи кории Шурои ҳуқуқи башари СММ оид ба боздоштҳои худсарона, ки дар он масъалаи боздошти духтари президенти пешин Ислом Каримов — Гулнора Каримова баррасӣ шуда буд, вокуниш нишон дод.