Дмитрий Песков, сухангӯи Кремл, бо таъкид бар ин ки Маскав хостори сулҳ аст, гуфт, ки Русия ҳамеша барои музокира омода мебошад.

Ба гузориши “РИА Новости”, Песков рӯзи ҷумъа дар суҳбат бо хабарнигорон гуфт: “Русия сулҳ мехоҳад, на оташбас.”

Ӯ афзуд, ки Владимир Путин, раиси ҷумҳури Русия, рӯзи панҷшанбе, 1-уми октябр, дар нишасти умумии 23-юми форуми солонаи «Валдай» низ ин мавқеъро баён кардааст.

Сухангӯи Кремл дар бораи ҳамлаҳое, ки Киев дар Баҳри Сиёҳ оғоз кардааст, гуфт: “Русия ба ин ҳамлаҳо посух хоҳад дод, зеро Украина бояд барои ин иқдомаш ҷавоб диҳад”.

Песков ҳамчунин, гуфт, ки Русия амалиёти низомии худро идома медиҳад ва барои Маскав муҳим аст, ки аз интиқоли муҳимот ва сӯзишворӣ ба Украина тавассути Баҳри Сиёҳ ҷилавгирӣ шавад.

Ӯ гуфт, ки ҳанӯз ҷузъиёти ташаббуси Туркия ва Созмони Милали Муттаҳид дар бораи таъмини амнияти киштиронӣ дар Баҳри Сиёҳ дар ихтиёри Маскав нест.

Песков дар идома гуфт, Киев барои расидан ба як тавофуқи ҳамаҷониба омодагӣ нишон намедиҳад ва тавофуқҳои муваққатӣ низ наметавонанд ба ҳалли мусолиматомези буҳрон кумак кунанд.

Dialog.tj