“5 соат тӯл мекашад”. Имрӯз музокироти Эрон ва Амрико дар Рим баргузор мешавад
Гуфтугӯи сесоатаи Аббос Ироқчӣ бо Сергей Лавров дар Маскав
Толибон як зани фаъоли шабакаҳои иҷтимоиро боздошт карданд
Марко Рубио: “Талошҳо барои сулҳи Русия ва Украина қатъ мешаванд”
21.02.2025 11:21
Эрон, Миср, Исроил ва Марокаш ба харидани гандуми Қазоқистон мароқ зоҳир кардаанд
Мақомоти қазоқистонӣ дар талоши онанд, ки роҳҳои алтернативии содироти гандуми Қазоқистонро ҷустуҷӯ кунанд. Роҳбарияти Вазорати кишоварзии Қазоқистон гуфтааст, ки бархе кишварҳо, аз ҷумла Эрон ва Миср ба ворид намудани гандум аз Қазоқистон таваҷҷуҳ зоҳир кардаанд.
Ермек Кенжеханули, муовини вазири кишоварзии Қазоқистон масъалаи лағви маҳдудиятҳо оиди транзити гандуми Қазоқистон ба воситаи Русияро шарҳ дода, таъкид кард, ки роҳҳои алтернативиро пайдо хоҳанд кард.
Бар асоси иттилои муовини вазири кишоварзии Қазоқистон маҳдудияти муваққатии содироти гандум ба Русия аз 17-уми октябри соли 2024 ҷорӣ шуд ва дар аввали моҳи феврали соли 2025 бардошта гардид.
“Имрӯз мо фаъолона роҳҳои нави фурӯши гандумро меҷӯем” – таъкид кард Ермек Кенжеханулӣ.
Дар идома муовини вазири кишоварзии Қазоқистон аз афзоиши ҳаҷми содироти гандум хабар дод. Гуфта шуд, ки дар соли 2024 Қазоқистон 8, 1 миллион тонна гандум содирот кардааст.
“Мо ба наздикӣ ба Эрон сафар кардем ва бо харидорони эҳтимолӣ мулоқот намудем. Ғайр аз ин, ба гандуми мо Миср, Исроил ва Марокаш низ таваҷҷуҳ доранд” зикр кард Ермек Кенжеханулӣ.
Муовини вазири кишоварзии Қазоқистон Ермек Кенжеханулӣ ҳосили тахминии истеҳсоди гандум дар соли 2025 –ро пешбинӣ намуда, чунин таъкид кард: “Соли гузашта мо тақрибан 18 миллион тонна гандум ҷамъоварӣ кардем. Агар ҳамаи зироатҳои ғалладонаро ҳисоб кунем, ҳаҷми умумӣ тақрибан 25 миллион тонна буд. Мо интизор дорем, ки содироти соли ҷорӣ 10-12 миллион тонна хоҳад шуд”.
Қаблан, Федератсияи Русия воридоти гандум ва маҳсулоти карантиниро аз Қазоқистон манъ карда буд, ки ҳоло ин маҳдудият лағв шудааст.
Мақомоти расмии Қазоқистон гуфта буданд, ки ният доранд гардиши мол бо Эронро то ба 3 миллиард доллар дар як сол афзоиш диҳанд. Онҳо таъкид карда буданд, ки Қазоқистон омода аст, 60 намуди маҳсулот, аз ҷумла ғалла, равғани офтобпараст, маҳсулоти гӯштӣ ва дигар молҳоро ба Эрон содир намояд.
Dialog.tj
Хатти хабарҳо
19.04.2025 16:36
Сергей Наришкин: “Аврупо бо кумак ба мухолифони Толибон вазъи Афғонистонро ноором нигоҳ медорад”
Сардори Хадамоти иктишофи хориҷии Федератсияи Русия Серегей Наришкин гуфт, ки ниҳодҳои ҷосусии кишварҳои аврупоӣ роҳҳои кумак ба неруҳои зидди ҳукумати Афғонистонро ҷустуҷӯ мекунанд ва мехоҳанд вазъият дар Афғонистонро ноором нигоҳ доранд.
19.04.2025 16:29
Манижа Баҳромзода: “Агар илм намебуд, шояд инсоният ҳадафи зиндагиашро намедонист”
Мувофиқи Қонуни Ҷумҳурии Тоҷикистон «Дар бораи рӯзҳои ид» якшанбеи сеюми моҳи апрел Рӯзи илми тоҷик қайд карда мешавад. Ба ин муносибат Dialog.tj бо Манижа Баҳромзода, номзади илмҳои филологӣ, (доктори фалсафа (PhD), аз рӯйи ихтисоси рӯноманигории байналхалқӣ), ассистенти кафедраи забонҳои хориҷии факултети журналистикаи ДМТ доир ба илм, таҳқиқ, фазои илмӣ ва муҳимияту аҳамияти корҳои илмӣ-таҳқиқотӣ суҳбат кард.
19.04.2025 12:59
“5 соат тӯл мекашад”. Имрӯз музокироти Эрон ва Амрико дар Рим баргузор мешавад
Имрӯз, шанбе намояндагони дипломатии Эрон ва Амрико дар шаҳри Рими Италия дар мавриди Барномаи ҳастаии Эрон музокироти ғайримустақим анҷом хоҳанд дод. Бар асоси иттилои расонаи “Ахиос” музокироти ғайримустақим беш аз 5 соат тӯл хоҳад кашид ва ҷонибҳо бар сари чорчӯби умумӣ гуфтугӯ хоҳанд кард.
19.04.2025 09:14
Гуфтугӯи сесоатаи Аббос Ироқчӣ бо Сергей Лавров дар Маскав
Вазири корҳои хориҷии Ҷумҳурии Исломии Эрон Аббос Ироқчӣ, ки бо ҳайати дипломатӣ барои машварат бо мақомоти олирутбаи Русия ва супоридани паёми хатии роҳбари олии Эрон Оятуллоҳ Хоманаӣ ба Маскав сафар карда буд, рӯзи ҷумъа бо Сергей Лавров наздик ба се соат гуфтугӯ анҷом дод.
19.04.2025 09:06
Толибон як зани фаъоли шабакаҳои иҷтимоиро боздошт карданд
Гурӯҳи террористии Толибон Надима Нур, маъруф ба Патингара Каки - як зани фаъоли шабакаҳои иҷтимоиро чанд рӯз қабл боздошт кардааст. Дар ин хусус расонаҳои афғонистонӣ хабар медиҳанд.
19.04.2025 08:56
Марко Рубио: “Талошҳо барои сулҳи Русия ва Украина қатъ мешаванд”
Вазири корҳои хориҷии Иёлоти Муттаҳидаи Амрико Марко Рубио рӯзи ҷумъа гуфт, ки Доналд Трамп президенти Амрико чанд рӯзи оянда талошҳои миёнравӣ барои расидан ба созиши сулҳ миёни Русия ва Украинаро қатъ хоҳад кард. Ӯ гуфт, агар нишонаҳои рӯшани дастёбӣ ба ин созиш вуҷуд надошта бошад, талошҳо қатъ хоҳанд шуд.
19.04.2025 08:46
Рустами Эмомалӣ бо раиси сенати Ӯзбекистон мулоқот кард
Рустами Эмомалӣ, раиси Маҷлиси миллии Маҷлиси Олии Ҷумҳурии Тоҷикистон дар доираи сафари корӣ ба шаҳри Санк-Петербург бо раиси Сенати Олии Маҷлиси Ӯзбекистон Танзила Норбоева мулоқот анҷом дод.
19.04.2025 08:31
СММ: Қарори Русия вазъияти Толибонро тағйир намедиҳад ва таҳримҳо побарҷо боқӣ мемонад
Созмони Милали Муттаҳид дар хусуси қарори Суди Олии Федератсияи Русия дар бораи хориҷ кардани Толибон аз феҳристи гурӯҳҳои террористӣ гуфт, ки ин иқдом вазъияти Толибон дар назди ин созмонро тағйир намедиҳад ва таҳримҳои байналмилалӣ ҳамчунон побарҷо боқӣ хоҳанд монд.
18.04.2025 16:20
Қазоқистон содироти партови металҳои сиёҳу рангаро манъ кард
Вазири саноат ва сохтмони Қазоқистон фармони навро зери унвони “Дар хусуси баъзе масъалаҳои танзими содироти лома ва партови металҳои сиёҳу ранга” 15-уми апрели соли 2025 имзо кард. Дар ин хусус расонаҳои қазоқистонӣ хабар медиҳанд.
18.04.2025 16:14
Баҳси метро ва роҳи Панҷи поён дар мулоқоти сафири Корея ва Азим Иброҳим
Ҷон Сонг Шик, Сафири фавқулода ва мухтори Ҷумҳурии Корея дар Тоҷикистон бо Азим Иброҳим, вазири нақлиёти Тоҷикистон мулоқот намуда, татбиқи лоиҳаи бунёди метро дар Душанберо муҳим хонд ва таъкид гардид, ки баъди ба итмом расидани марҳилаҳои асосноккунии техникию иқтисодии он дар амалӣ намудани марҳилаи баъдии он низ ширкат хоҳанд кард.
18.04.2025 16:00
Тоҷикон дар миёни донорҳои зиндаи ҷигар ва гурдаи бемористонҳои Эрон
Дар миёни бархе шаҳрвандони кишварҳои фақир, ба мисли Сурия, Афғонистон, Ироқ, Лубнон шаҳрвандони Тоҷикистон ва Туркманистон низ дар қатори донорҳои зиндаи пайванди узвҳои бадан – ҷигар ва гурдаи бемористонҳои Эрон қарор гирифтаанд.
18.04.2025 10:52
Ҳукми қатли сарояндаи Эрон - Таталу ба иттиҳоми таҳвини пайғамбар
Сухангӯйи суди Эрон Асғар Ҷаҳонгир овозаҳо дар мавриди содир шудани ҳукми қатли сарояндаи машҳури Эрон Амирҳусайн Мақсудлу, маъруф ба Таталуро тасдиқ намуда, гуфт, ки ҳукми ӯ дар Суди Олӣ бо таҷдиди назар мавриди баррасӣ қарор дорад.