“5 соат тӯл мекашад”. Имрӯз музокироти Эрон ва Амрико дар Рим баргузор мешавад
Гуфтугӯи сесоатаи Аббос Ироқчӣ бо Сергей Лавров дар Маскав
Толибон як зани фаъоли шабакаҳои иҷтимоиро боздошт карданд
Марко Рубио: “Талошҳо барои сулҳи Русия ва Украина қатъ мешаванд”
05.02.2025 16:58
Дар Қазоқистон 65 миллион рақамҳои қаллобиро масдуд карданд
Ержан Саденов, вазири корҳои дохилии Қазоқистон ба Қосим-Жомарт Токаев дар хусуси вазъи ҷинояткорӣ дар ин кишвар ва татбиқи принсипи “Қонун ва тартибот” аз сӯйи ниҳодҳои интизомӣ гузориш дод. Дар ин хусус, хабаргузории “Казинформ” хабар додааст.
Вазири корҳои дохилии Қазоқистон таъкид кард, ки дар солҳои охир сатҳи ҷинояткорӣ, аз ҷумла ҷиноятҳои махсусан хавфнок, ба монанди куштор, ғоратгарӣ, роҳзанӣ, дуздӣ ба таври назаррас паст шудааст. Ҳамзамон, бо ҷорӣ намудани усулҳои муосири тафтишотӣ сатҳи ошкорсозии тамоми намуди ҳуқуқвайронкуниҳои ҷиноятӣ беҳтар гардидааст.
Ержан Саденов дар хусуси натиҷаҳои корҳои анҷомёфта оид ба ҷустуҷӯи ҷинояткорон хабар дод. Ӯ гуфт, ки дар соли 2024 мақомоти полис 1949 нафар ҷинояткори таҳти ҷустуҷӯ қарордоштаро боздошт кардааст.
Президенти Қазоқистон бо раванди иҷрои супоришҳои ӯ дар самти мубориза бо ҷинояткории муташаккил, киберҷиноятҳо ва ҷиноятҳои вобаста ба маводи мухаддир, ҳамчунин, пешгирии қонуншиканиҳо шинос шуд.
Гуфта шуд, тайи 12 моҳ тақрибан 7500 манбаи интернетӣ, ки дар хусуси паҳн кардани маводи мухаддир маълумот доштанд, ошкор карда шуд. Ҳамчунин, қариб 22 тонна маводи мухаддир пеш аз ворид шудан ба муомилот мусодира гардида, 64 озмоишгоҳи истеҳсоли маводи мухаддир дар ин кишвар нест карда шуд.
Таъкид гардид, ки 65 миллион рақамҳои қаллобони интернетӣ масдуд шуда, 48 дастгоҳи SIM-box, ки барои иваз намудани рақамҳо истифода мешуданд, ошкор гардид. Инчунин, аз интиқоли беш аз 2 миллиард тенге аз Қазоқистон ба воситаи қаллобон пешгирӣ карда шудааст.
Dialog.tj
Хатти хабарҳо
19.04.2025 16:36
Сергей Наришкин: “Аврупо бо кумак ба мухолифони Толибон вазъи Афғонистонро ноором нигоҳ медорад”
Сардори Хадамоти иктишофи хориҷии Федератсияи Русия Серегей Наришкин гуфт, ки ниҳодҳои ҷосусии кишварҳои аврупоӣ роҳҳои кумак ба неруҳои зидди ҳукумати Афғонистонро ҷустуҷӯ мекунанд ва мехоҳанд вазъият дар Афғонистонро ноором нигоҳ доранд.
19.04.2025 16:29
Манижа Баҳромзода: “Агар илм намебуд, шояд инсоният ҳадафи зиндагиашро намедонист”
Мувофиқи Қонуни Ҷумҳурии Тоҷикистон «Дар бораи рӯзҳои ид» якшанбеи сеюми моҳи апрел Рӯзи илми тоҷик қайд карда мешавад. Ба ин муносибат Dialog.tj бо Манижа Баҳромзода, номзади илмҳои филологӣ, (доктори фалсафа (PhD), аз рӯйи ихтисоси рӯноманигории байналхалқӣ), ассистенти кафедраи забонҳои хориҷии факултети журналистикаи ДМТ доир ба илм, таҳқиқ, фазои илмӣ ва муҳимияту аҳамияти корҳои илмӣ-таҳқиқотӣ суҳбат кард.
19.04.2025 12:59
“5 соат тӯл мекашад”. Имрӯз музокироти Эрон ва Амрико дар Рим баргузор мешавад
Имрӯз, шанбе намояндагони дипломатии Эрон ва Амрико дар шаҳри Рими Италия дар мавриди Барномаи ҳастаии Эрон музокироти ғайримустақим анҷом хоҳанд дод. Бар асоси иттилои расонаи “Ахиос” музокироти ғайримустақим беш аз 5 соат тӯл хоҳад кашид ва ҷонибҳо бар сари чорчӯби умумӣ гуфтугӯ хоҳанд кард.
19.04.2025 09:14
Гуфтугӯи сесоатаи Аббос Ироқчӣ бо Сергей Лавров дар Маскав
Вазири корҳои хориҷии Ҷумҳурии Исломии Эрон Аббос Ироқчӣ, ки бо ҳайати дипломатӣ барои машварат бо мақомоти олирутбаи Русия ва супоридани паёми хатии роҳбари олии Эрон Оятуллоҳ Хоманаӣ ба Маскав сафар карда буд, рӯзи ҷумъа бо Сергей Лавров наздик ба се соат гуфтугӯ анҷом дод.
19.04.2025 09:06
Толибон як зани фаъоли шабакаҳои иҷтимоиро боздошт карданд
Гурӯҳи террористии Толибон Надима Нур, маъруф ба Патингара Каки - як зани фаъоли шабакаҳои иҷтимоиро чанд рӯз қабл боздошт кардааст. Дар ин хусус расонаҳои афғонистонӣ хабар медиҳанд.
19.04.2025 08:56
Марко Рубио: “Талошҳо барои сулҳи Русия ва Украина қатъ мешаванд”
Вазири корҳои хориҷии Иёлоти Муттаҳидаи Амрико Марко Рубио рӯзи ҷумъа гуфт, ки Доналд Трамп президенти Амрико чанд рӯзи оянда талошҳои миёнравӣ барои расидан ба созиши сулҳ миёни Русия ва Украинаро қатъ хоҳад кард. Ӯ гуфт, агар нишонаҳои рӯшани дастёбӣ ба ин созиш вуҷуд надошта бошад, талошҳо қатъ хоҳанд шуд.
19.04.2025 08:46
Рустами Эмомалӣ бо раиси сенати Ӯзбекистон мулоқот кард
Рустами Эмомалӣ, раиси Маҷлиси миллии Маҷлиси Олии Ҷумҳурии Тоҷикистон дар доираи сафари корӣ ба шаҳри Санк-Петербург бо раиси Сенати Олии Маҷлиси Ӯзбекистон Танзила Норбоева мулоқот анҷом дод.
19.04.2025 08:31
СММ: Қарори Русия вазъияти Толибонро тағйир намедиҳад ва таҳримҳо побарҷо боқӣ мемонад
Созмони Милали Муттаҳид дар хусуси қарори Суди Олии Федератсияи Русия дар бораи хориҷ кардани Толибон аз феҳристи гурӯҳҳои террористӣ гуфт, ки ин иқдом вазъияти Толибон дар назди ин созмонро тағйир намедиҳад ва таҳримҳои байналмилалӣ ҳамчунон побарҷо боқӣ хоҳанд монд.
18.04.2025 16:20
Қазоқистон содироти партови металҳои сиёҳу рангаро манъ кард
Вазири саноат ва сохтмони Қазоқистон фармони навро зери унвони “Дар хусуси баъзе масъалаҳои танзими содироти лома ва партови металҳои сиёҳу ранга” 15-уми апрели соли 2025 имзо кард. Дар ин хусус расонаҳои қазоқистонӣ хабар медиҳанд.
18.04.2025 16:14
Баҳси метро ва роҳи Панҷи поён дар мулоқоти сафири Корея ва Азим Иброҳим
Ҷон Сонг Шик, Сафири фавқулода ва мухтори Ҷумҳурии Корея дар Тоҷикистон бо Азим Иброҳим, вазири нақлиёти Тоҷикистон мулоқот намуда, татбиқи лоиҳаи бунёди метро дар Душанберо муҳим хонд ва таъкид гардид, ки баъди ба итмом расидани марҳилаҳои асосноккунии техникию иқтисодии он дар амалӣ намудани марҳилаи баъдии он низ ширкат хоҳанд кард.
18.04.2025 16:00
Тоҷикон дар миёни донорҳои зиндаи ҷигар ва гурдаи бемористонҳои Эрон
Дар миёни бархе шаҳрвандони кишварҳои фақир, ба мисли Сурия, Афғонистон, Ироқ, Лубнон шаҳрвандони Тоҷикистон ва Туркманистон низ дар қатори донорҳои зиндаи пайванди узвҳои бадан – ҷигар ва гурдаи бемористонҳои Эрон қарор гирифтаанд.
18.04.2025 10:52
Ҳукми қатли сарояндаи Эрон - Таталу ба иттиҳоми таҳвини пайғамбар
Сухангӯйи суди Эрон Асғар Ҷаҳонгир овозаҳо дар мавриди содир шудани ҳукми қатли сарояндаи машҳури Эрон Амирҳусайн Мақсудлу, маъруф ба Таталуро тасдиқ намуда, гуфт, ки ҳукми ӯ дар Суди Олӣ бо таҷдиди назар мавриди баррасӣ қарор дорад.