Мақомоти амниятии Қазоқистон бо пешниҳоди ҳисоботи солона ба президент таъкид кардаанд, ки дар давоми соли 2024 аз 4 амали террористӣ пешгирӣ намудаанд.

Президенти Қазоқистон Қосим-Жомарт Токаев ҳисоботи солонаи раиси Кумитаи амнияти миллии Қазоқистон Ермек Сагимбоевро шунид. Ермек Сагимбоев зимни ироаи ҳисобот ба президент таъкид кард, ки ниҳоди зикршуда, аз чор амалӣ террористӣ пешгирӣ кардааст ва 84 нафар ба гумони даст доштан дар терроризм ва ифротгароӣ гунаҳкор дониста шудаанд. Ҳамчунин, 44 нафар ба иттиҳоми террозим ва ифротгарӣ боздошт шудаанд.

Ӯ таъкид карда, ки 6 нафар қазоқистонӣ ба гумони содир намудани ҷиноятҳои дорои хусусияти террористӣ дар ҷустуҷӯ қарор доштанд, ки онҳо аз Сурия ва Туркия ба ватан истирдод шуданд ва 2 нафарашон ҷазо гирифтанд. Раиси Кумитаи амнияти миллии Қазоқистон таъкид намуда, ки 824 шаҳрванди хориҷӣ, ки ба ҷиноятҳои терроризму ифротгароӣ машғул буданд, аз ворид шуданашон ба Қазоқистон пешгирӣ карда шуд.

Президенти Қазоқистон зимни шунидани ҳисоботи раиси Кумитаи амнияти миллии Қазоқистон Ермек Сагимбоев таъкид намуд, ки мақомоти корҳои дохили ин кишвар дар ҳамкорӣ бо дигар сохторҳои интизомӣ 19 гурӯҳи муташаккили ҷиноиро безарар гардониданд ва 60 нафарро боздошт намуданд. Таъкид шуд, ки  505 силоҳи оташфишон, 5 маводи тарканда, 45 бастаи маводи тарканда ва 15046 таҷҳизоти ҷангӣ мусодира карда шуд.

Дар ҳисобот ҳамчунин таъкид карда шуд, ки 33 лабораторияи истеҳсоли доруҳо, 35 канали байналмилалӣ ва 31 канали минтақавии интиқоли онҳо кашф ва барҳам дода шуд. Аз муомилоти ғайриқонунии 3,2 тонна маводи нашъадор, моддаҳои психотропӣ, 4,5 тонна кӯкнор, инчунин, 18,8 прекурсорҳо пешгирӣ ва мусодира гардид. 162 нафар барои муомилаи ғайриқонунии маводи мухаддир маҳкум шуданд.

Dialog.tj