Расонаҳои Туркия гузориш додаанд, ки Узлам Карапинар барои нахустин бор дар таърихи неруи ҳавоии ин кишвар ба дараҷаи генералӣ расидааст.

Рӯзномаи “Сабоҳ”, рӯзи чоршанбе, 5-уми август, гузориш додааст, ки Карапинар бо тасмими Шурои олии низомии Туркия ва таъйиди Раҷаб Тайиб Эрдуғон, раиси ҷумҳури ин кишвар, рутбаи генералро соҳиб гаштааст.

Бар асоси гузориш, Карапинар пас аз поёни мактаб, бо вуҷуди пазируфта шудан дар факултаи тибби Донишгоҳи Эжа, даъватномаи Академияи неруи ҳавоии Туркияро пазируфт ва масири низомиро баргузид.

Ӯ пас аз солҳо хидмат дар бахшҳои мухталифи неруи ҳавоӣ, акнун ҳамчун нахустин зане, ки дар таърихи неруи ҳавоии Туркия ба дараҷаи генералӣ расидааст, шинохта мешавад.

Dialog.tj