РУС ТОҶ
1 Октябр 2026,
панҷшанбе, 11:19, Душанбе
Диалог. Тоҷикистон ва ҷаҳон
РУС ТОҶ
ИДМ
13.08.2025 14:23

Тоҷикистон дар соли 2026 мизбони нишасти Вазирони корҳои дохилии ИДМ хоҳад буд

Нишасти навбатии Шурои Вазирони корҳои дохилии кишварҳои узви Иттиҳоди Давлатҳои Мустақил дар соли 2026 дар шаҳри Душанбе, пойтахти Тоҷикистон баргузор мешавад. Дар ин бора маркази матбуоти Вазорати корҳои дохилии Тоҷикистон иттилоъ додааст.

Ҳафтаи равон, аз 11-ум то 14-уми август дар шаҳри Санкт-Петербург маҷлиси Шурои вазирони корҳои дохилии кишварҳои Иттиҳоди Давлатҳои Мустақил дар ҳоли баргузорист ва дар он Рамазон Раҳимзода, Вазири корҳои дохилии Тоҷикистон ширкат дорад.

Дар рӯзномаи маҷлис 12 масъалаи асосӣ ворид шудааст, ки ба самтҳои муҳимтарини ҳамкории мақомоти ҳифзи ҳуқуқи кишварҳои ширкаткунанда рабт доранд. Дар миёни мавзуъҳои баррасишаванда самтҳои афзалиятноки ҳамкории Вазорати корҳои дохилӣ, татбиқи барномаҳои байнидавлатӣ дар соҳаи мубориза бо ҷинояткорӣ, ҳамчунин, лоиҳаҳои консепсияи рушди ҳамкории иттилоотии кишварҳои Иттиҳоди Давлатҳои Мустақил  дар муқобила бо ҷиноятҳое, ки бо истифода аз технологияи иттилоотӣ содир мешаванд, мавриди гуфтугӯ қарор гирифтанд.

Дар ин ҷаласа Рамазон Раҳимзода як қатор пешниҳодҳоро барои таҳким бахшидани ҳамкориҳои дуҷониба ва бисёрҷониба, ҳамчунин, барои баланд бардоштани самаранокии чорабиниҳои муштарак дар таъмини тартибот ва амният дар минтақа пешниҳод намуд.

Дар натиҷа қарор карда шуд, ки нишасти навбатии Шурои вазирони корҳои дохилии кишварҳои Иттиҳоди Давлатҳои Мустақил дар соли 2026 дар ҳудуди Тоҷикистон доир карда шавад.

Dialog.tj

Хатти хабарҳо

Футбол
01.10.2026 09:48

Мунтахаби наврасони Тоҷикистон (U-17) бо ҳамлосони худ аз Русия ду бозии дӯстона мекунад

Бинобар иттилои Федератсияи футболи Тоҷикистон, дар доираи омодагӣ ба Ҷоми ҷаҳон-2026 мунтахаби наврасони Тоҷикистон (U-17) бо ҳамлосони худ аз Русия ду бозии дӯстона мекунад.
Аврупо
01.10.2026 09:45

Мақоми собиқи CIA: Хадамоти ҷосусии Бритониё пуштибони асосии Зеленский аст

Ларри Ҷонсон, афсари собиқ ва таҳлилгари пешини Созмони марказии истихбороти Амрико (CIA), гуфтааст, ки Хадамоти махфии ҷосусии Бритониё (MI6) пуштибони асосии Владимир Зеленский, раиси ҷумҳури Украина, мебошад.
Матолиби ҷолиб дар ВАО
01.10.2026 09:33

Иддаои ҷангталабонаи Трамп: “Шояд Эронро бомбборон кунем”

Доналд Трамп, раисҷумҳури ИМА рӯзи чоршанбе, 30-юми сентябр гуфт, ки Вашингтон барои расидан ба тавофуқ бо Эрон метавонад аз роҳи низомӣ истифода кунад. Ӯ ҳамчунин, эҳтимоли ҳамлаи дубора ба Эронро матраҳ карда, гуфт: “Шояд онҳоро бомбборон кунем”.
Матолиби ҷолиб дар ВАО
01.10.2026 09:11

Аксиос: Рубио ба ҳайати эронӣ дастур дод хоки Амрикоро тарк кунад

Сомонаи “Аксиос” ба нақл аз манобеъ дар Вазорати хориҷии Амрико гуфтааст, ки Марко Рубио, вазири хориҷии ин кишвар, рӯзи душанбе ва пас аз ба бунбаст расидани музокирот, аз ҳайати эронӣ хостааст, ки фавран хоки Амрикоро тарк кунанд.
Сиёсати хориҷӣ
01.10.2026 08:55

Тоҷикистон ва Қазоқистон робитаҳои байнипарлумониро баррасӣ карданд

Файзалӣ Идизода, раиси Маҷлиси намояндагони Маҷлиси Олии Тоҷикистон ва Валихон Турехонов, сафири Ҷумҳурии Қазоқистон дар Тоҷикистон масъалаҳои рушди ҳамкории байнипарлумонии ду кишварро баррасӣ кардаанд.
Синамо ва театр
30.09.2026 15:45

Манзаралӣ Шералӣ: “Филми хуб ҳам худаш тамошобинро пайдо намекунад”

Аз 22-юми октябр дар кинотеатрҳои кишвар филми «Хуршеду Моҳ» ба намоиш гузошта мешавад. «Хуршеду Моҳ филми нави ошиқона буда, дар бораи ишқи нокоми Хуршед ва Моҳ қисса мекунад. Dialog.tj бо коргардон ва муаллифи филмномаи «Хуршеду Моҳ» Манзаралӣ Шералӣ суҳбат кард, ки фишурдаи онро пешкаши хонандагон мекунем.
Молия
30.09.2026 15:04

Тоҷикистон ва Қатар дар бораи сармоягузорӣ дар Тоҷикистон гуфтугӯ карданд

Мақомоти Тоҷикистону Қатар масъалаи сармоягузорӣ ва амалӣ намудани лоиҳаҳои муштараки иқтисодии ду кишварро мавриди баррасӣ қарор доданд. Дар мулоқоти мақомоти ду кишвар раванди иҷрои лоиҳаи “Диёри Душанбе” мавриди гуфтугӯ қарор гирифт.
Сиёсати хориҷӣ
30.09.2026 14:33

Гардиши савдои Қазоқистон бо Тоҷикистон 25 фоиз афзоиш ёфтааст

Гардиши тиҷорати Қазоқистон ва Тоҷикистон дар ҳафт моҳи соли 2026 назар ба ҳамин давраи соли гузашта 25 фоиз зиёд шудааст. Ҳаҷми савдои ду кишвар дар ин давра ба тақрибан 855 миллион доллар расидааст.