Президенти Иёлоти Муттаҳидаи Амрико ду рӯз пас аз даври дуюми музокироти Ҷумҳурии Исломии Эрон ва Иёлоти Муттаҳидаи Амрико, ки дар шаҳри Рим баргузор гардид, музокироти дипломатҳои ду кишварро “хеле хуб” тавсиф кард.

Ӯ рӯзи душанбе дар суҳбат бо хабарнигорон гуфт: “Мебинем чӣ мешавад, марҳилаи оянда каме вақт мехоҳад, вале мо нишасти хеле хубе доштем”.

Роҳбари Ҷумҳурии Исломии Эрон Оятуллоҳ Хоманаӣ низ ба нишасти даври дуюми музокираи Эрон ва Амрико вокуниш нишон дода, изҳори қаноматмандӣ кард, аммо гуфт: “На хушбин ҳастам, на бадбин”.

Музокироти Эрон ва Амрико рӯзи чоршанбе дар сатҳи коршиносӣ идома меёбад ва рӯзи шанбе даври сеюми музокироти Аббос Ироқчӣ ва Стив Уиткофф дар Масқати Уммон баргузор мегардад. Ҷузъиёти музокироти атомии Эрон ва Амрико то ҳол нашр нашудааст, вале бархе сарчашмаҳо аз қабули сатҳи поёни ғанисозии уран ва интиқоли урани захирашудаи Эрон ба кишвари сеюм хабар медиҳанд.

Дар марҳилаи сеюми оғози музокироти Эрон ва Амрико Аббос Ироқчӣ бо муттаҳиди Русия ва Чин дар хусуси ҷараёни музокироти атомӣ машвара медиҳанд. Ӯ чанде қабл ба Русия рафт ва бо президенти ин кишвар Владимир Путин ва вазири корҳои хориҷии он Сергей Лавров мулоқот намуд. Аббос Ироқӣ қабл аз баргузории нишасти даври сеюм ба Чин сафар карда, бо мақомоти олии ин кишвар гуфтугӯ хоҳад кард.

Dialog.tj