Раҷаб Тайиб Эрдуғон, раиси ҷумҳури Туркия, қарор аст барои сафари якрӯза ба Арабистони Саудӣ биравад ва бо Муҳаммад ибни Салмон, валиаҳди ин кишвар, дидору гуфтугӯ кунад.

“Ал-Ҷазира” рӯзи ҷумъа, 7-уми август гузориш додааст, ки ин сафар дар ҳоле анҷом мешавад, ки буҳрон дар тангаи Ҳурмуз ва тангаи Бобулмандаб рӯ ба ташдид аст.

Бар асоси гузориш, Эрдуғон қарор аст рӯзи ҷумъа ба Арабистони Саудӣ биравад ва бо Муҳаммад ибни Салмон ибни Абдулазиз Оли Сауд, валиаҳд ва нахуствазири Арабистони Саудӣ, дидор кунад.

Идораи иртибототи раёсати ҷумҳури Туркия эълом кардааст, ки раиси ҷумҳури ин кишвар ҳамчунин, бо Шаҳбоз Шариф, нахуствазири Покистон, низ дидору гуфтугӯ хоҳад кард.

Ҷузъиёти бештаре дар бораи меҳварҳои гуфтугӯҳои Эрдуғон бо мақомоти Арабистони Саудӣ ва Покистон мунташир нашудааст.

Dialog.tj