Бинобар иттилои Муассисаи давлатии “Маркази барномаҳои байналмилалӣ”, марҳилаи якуми қабули ҳуҷҷатҳо барои иштирок дар Стипендияи байналмилалии Президенти Ҷумҳурии Тоҷикистон “Дурахшандагон” оғоз ёфта, то охири феврали соли 2027 идома меёбад.

Иттилоъ дода мешавад, ки барнома барои тамоми зинаҳои таҳсилот бакалавриат, магистратура, резидентура, ординатураи клиникӣ, аспирантура, докторантура ва таҷрибаомӯзӣ эълон шудааст.

Ҳуҷҷатҳои зарурӣ инҳо мебошанд: нусхаи шиносномаи довталаб ва волидайн, маълумотнома дар бораи доштани ё надоштани доғи судӣ (ИЦ ВКД), маълумотномаи тиббӣ шакли 038 (086), маълумотномаи наркологӣ, маълумотнома оид ба ҳолати равонӣ (аз беморхонаи бемориҳои равонӣ), маълумотнома оид ба ВИЧ/СПИД, тавсифнома аз ҷойи таҳсил, кор ё мақомоти дахлдор, ҳуҷҷати тасдиқкунандаи таҳсилот (табели баҳо, аттестат ё диплом), расид аз “Амонатбонк” (яксаду бист сомонӣ), сертификати донистани забони хориҷӣ (IELTS, TOEFL, DUOLINGUO, GOETHE, H&C) ва 1 дона расм андозаи 3×4 см.

Гуфта мешавад, ки қабули ҳуҷҷатҳо дар Муассисаи давлатии “Маркази барномаҳои байналмилалӣ” анҷом дода мешавад.

Dialog.tj