Имрӯз, 13-уми август Раҳим Саидзода, вазири маориф ва илми ҷумҳурӣ ва Дилбар Одилзода, муовини раиси шаҳри Душанбе ба ҷараёни даври сеюми озмуни ҷумҳуриявии “Фурӯғи субҳи доноӣ китоб аст” дар Маркази кӯдакон ва наврасони шаҳри Душанбе шинос шуданд.

Тавре ки маркази матбуоти Вазорати маориф ва илми кишвар хабар медиҳад, зимни боздид вазири маориф ва илм ва муовини раиси шаҳри Душанбе бо ҳайати ҳакамон, падару модарони иштирокчиён ва худи ширкаткунандагони озмун вохӯрӣ ва суҳбат намуданд. Дар рафти суҳбат вазири маориф ва илм аз ташаббуси беназири Президенти Ҷумҳурии Тоҷикистон муҳтарам Эмомалӣ Раҳмон ёдовар шуда, онро яке аз омилҳои муҳими баланд бардоштани маърифату босаводӣ дар ҷомеа арзёбӣ кард.

Раҳим Саидзода афзуд, ки озмуни мазкур на танҳо завқи китобхонӣ ва маърифати хонандагонро боло мебарад, балки барои тақвияти худшиносиву худогоҳӣ ва таҳкими ҳувияти миллии онҳо саҳми арзанда мегузорад.

Dialog.tj