“Имрӯз донишгоҳ ва зерсохторҳои он омода ҳастанд, ки донишҷӯёне, ки барои таъмини хобгоҳ муроҷиат мекунанд, бо хобгоҳ, ки дорои  шароити муосир барои донишҷӯёнаш фароҳам оварда шудааст, таъмин менамоем”, гуфт Убайдуллозода Асрор, ректори Донишгоҳи байналмиллаи сайёҳӣ ва соҳибкории Тоҷикистон дар нишасти хабарии имрӯзааш, 29 июли соли 2025 баргузор гашт.

Ректори донишгоҳ мазкур дар идомаи посухи худ ёдовар шуд, ки дар давраи аввали қабули довталабон, ки тариқи Маркази милли тестӣ анҷом ёфт, ба донишгоҳ 3235 донишҷӯ дохил шуд, ки албатта аксари донишҷӯён аз деҳот ва ноҳияҳои дурдаст ҳастанд ва на ҳамаи онҳо дар шаҳри Душанбе ба ҷои хоб доранд. “Мо барои таъмини донишҷӯён бо хобгоҳ дар донишгоҳ ягон мушкилӣ надорем, зеро донишгоҳ дорои 5 хобгоҳ мебошад. Илова бар ин дигар хобгоҳе, ки бахшида ба 35 солагии истиқлолияти кишвар  мавриди истифода қарор мегирад,  дар доираи маркази рушди малакаҳо ва имкониятҳои бакор таъминкунӣ бо дастгирии Ҳукумати Ҷумҳурии Тоҷикистон, тамоми шароитҳо дар хобгоҳ муҳайё карда шудааст, “ гуфт Убайдулло Асрорзода.

Dialog.tj