Фотима Сайдализода, омӯзгори Донишгоҳи давлатии Кӯлоб ба номи Абуабдуллоҳи Рӯдакӣ дар Озмуни байналмилалии таҳқиқотии “Беҳтарин педогог” сазовори дипломи дараҷаи якум шуд.

Гуфта мешавад, ки Озмуни байналмилалии таҳқиқотии “Беҳтарин педогог” аз ҷониби Маркази байналмилалии таҳқиқотии «Endless Light in Science» ташкил шуда, дар он омӯзгорону муҳаққиқон аз давлатҳои гуногун тариқи фосилавӣ иштирок намуданд.

Бинобар иттилои сомонаи Донишгоҳи давлатии Кӯлоб ба номи Абуабдуллоҳи Рӯдакӣ, омӯзгори тоҷик Фотима Сайдализода дар озмуни мазкур бо мақолаи таҳқиқотии “Истифодаи мафҳуми “Меҳнат” дар асоси масалу мақолҳои забонҳои тоҷикӣ ва англисӣ” иштирок кардааст.

Таҳқиқоти ӯ бо истифода аз масалу мақолҳои мардумӣ, мафҳуми “меҳнат”-ро дар забонҳои тоҷикӣ ва англисӣ мавриди муқоиса ва таҳлил қарор дода, аҳамияти онро дар омӯзиши фарҳанг ва ҷаҳонбинии мардум собит намудааст.

Dialog.tj