22 Ноябр 2026,
якшанбе, 20:39, Душанбе
30.01.2025 15:49

Арал эҳё мешавад: ҳаҷми афзоиши об дар баҳри Арал ба сатҳи рекордӣ расид

Мақомоти Қазоқистон мегӯянд, ки марҳилаи эҳёшавии баҳри Арал бо суръат амалӣ мешавад ва хабари умедбахш он аст, ки ҳаҷми об дар қисмати шимолии баҳр нисбат ба соли гузашта зиёд шуда, ба 27 миллиард метри мукааб расидааст.

Натиҷаи эҳёшавии баҳри Арал ба ташаббусҳои Ҳукумати Ҷумҳури  Қазоқистон ва дигар кишварҳои минтақа марбут аст. Вазири захираҳои об ва обёрии Қазоқистон Нурҷон Нурҷигитов таъкид намуд, ки қисмати аввали ҳифзи лоиҳаи баҳри Арал анҷом ёфт. Дар пайи анҷоми марҳилаи аввал - ҳифзи баҳри Арали Шимолӣ ҳаҷми об дар баҳр 42 фоиз афзуда, ба 27 миллиард метри мукааб расид.

Гуфта мешавад, ки шӯр будани об қариб чор баробар кам шуда, ҳаҷми солонаи моҳидорӣ ба 8 ҳазор тонна расидааст.

Дар ин робита вазири захираҳои об ва обёрии Ҷумҳурии  Қазоқистон дар суҳбат бо сокинони минтақа, аз ҷумла сокинони ноҳияи Қизилруда маълумот дод.

Сардори раёсати Вазорати об ва обёрии Қазоқистон таъкид кард, ки бо супориши президенти ин кишвар марҳилаи дувуми барқарорсозии баҳри Аралро оғоз кардаанд. Тибқи иттилои сардори раёсат, барои амалӣ намудани супоришҳои президент Вазорати захираҳои об ва обёри Қазоқистон лоиҳаи “Рушди минтақавӣ ва барқарорсозии қисми шимолии баҳри Арал” – ро омода намуд.

Вазорат шарҳ дод, ки лоиҳа дар се самт амалӣ карда мешавад. Аз ҷумла, тадбирандешӣ оид ба зиёд намудани ҳаҷм ва самаранокии захираҳои об дар қисмати шимолии баҳри Арал, беҳтар намудани идоракунии захираҳои об, рушди моҳидорӣ ва экотуризм ва беҳтар намудани вазъи экологии минтақа дар назар дошта шудааст.

Бар асоси иттилоъи нав, дар соли 2024 дар баҳри Арал 2, 6 миллиард метри мукааб об зиёд шуд. Дар давраи обёрӣ ва кишти зироатҳо бошад, афзоиши об дар қисмати шимолии Баҳри Арал ба 1 миллиард метри мукааб расид.

Мақомоти қазоқистонӣ таъкид кардаанд, ки зиёд шудани об дар баҳри Арал дар натиҷаи тадбирҳо ва дуруст тақсим кардани оби Сирдарё ва сарфаи он имконпазир гардид.

“Ин рақамҳо натиҷаи корҳои мунтазам дар давоми ду соли охир аст. Мо бо кишварҳои ҳамсоя дар масъалаи сарфа ва тақсими одилонаи захираҳои об дар дарёҳои фаромарзӣ ба мувофиқа расидем. Чораҳои амалӣ андешида шуд. Мо гуфтушунидро давом дода, тамоми қувваро ба кор мебарем, ки саҳти обанборҳои муҳимро муътадил нигоҳ дорем. Лоиҳаи барқарорсозии баҳри Арал, пеш аз ҳама, ба беҳбуди вазъи экологии минтақа, рушди моҳипарварӣ ва сайёҳӣ, баланд бардоштани некуаҳволии мардуми минтақа нигаронида шудааст” – таъкид кард вазири захираҳои об ва обёрии Қазоқистон Нурҷон Нурҷигитов.

Натиҷаҳои дастомада умедҳоро барои эҳёи дубораи баҳри Арал зиёд кардааст, зеро барои аввалин бор дар қисматҳои шимолии он сатҳи об баланд шудааст. Тадбирҳои Ҳукумати Қазоқистон, ташаббусҳои экологии кишварҳои Осиёи Марказӣ ва барномаҳои татбиқ намудаи созмонҳои ҷаҳонӣ натиҷаҳои хубро ба бор овардааст.

Dialog.tj

Хатти хабарҳо

21.11.2026 14:33

Баҳси ҷадид дар парлумони Озарбойҷон: қатъи маблағгузории давлатии мактабҳои русӣ

Намояндаи Ҳизби ҳокими Озарбойҷон пешниҳод кардааст, ки масъалаи маблағгузории давлатии таҳсил ба забони русӣ дар мактабҳои кишвар аз нав баррасӣ шавад. Ин пешниҳод дар ҳоле матраҳ шудааст, ки ҳоло дар бахшҳои русизабони мактабҳои Озарбойҷон 157 ҳазор хонанда таҳсил мекунанд.
21.11.2026 14:10

Гандӣ: “Бо Исроил равобити стратегӣ дорем”

Раҳул Гандӣ, раҳбари мухолифони Ҳиндустон ва рақиби Нарендра Модӣ барои мақоми нахуствазирӣ, зимни сафар ба ИМА аз равобити кишвараш бо Исроил ҳимоят карда, гуфт, ки аз миёнаравии Покистон дар музокироти Амрико ва Эрон “шок” шудааст.
21.11.2026 13:46

Дар 9 моҳи соли 2026 беш аз 36 ҳазор шаҳрванди Қазоқистон ба Тоҷикистон сафар кардаанд

Дар 9 моҳи соли 2026 ба Тоҷикистон 36 ҳазору 400 шаҳрванди Қазоқистон сафар кардаанд. Ин кишвар аз рӯи шумори шаҳрвандони воришуда ба Тоҷикистон дар миёни кишварҳои узви Иттиҳоди Давлатҳои Мустақил мақоми чорумро касб кардааст.
21.11.2026 11:26

Эмомалӣ Раҳмон ва Владимир Путин вазъи амниятӣ дар марзи Тоҷикистону Афғонистонро баррасӣ карданд

Эмомалӣ Раҳмон, раиси ҷумҳури Тоҷикистон дар дидор бо Владимир Путин, раиси ҷумҳури Русия вазъи амниятӣ дар марзи Тоҷикистону Афғонистон, мубориза бо қочоқи маводи мухаддир ва таҳдидҳои минтақавиро баррасӣ кардааст.
21.11.2026 11:17

Қазоқистон дар миёни се шарики бузурги тиҷоратии Тоҷикистон қарор гирифт

Гардиши савдои хориҷии Ҷумҳурии Тоҷикистон бо Қазоқистон дар моҳҳои январ - октябри соли 2026 нисбат ба ҳамин давраи соли гузашта 30,3 фоиз афзоиш ёфта, ба тақрибан 1 миллиарду 280 миллион доллар расидааст. Бо ин нишондиҳанда Қазоқистон дар миёни се шарики асосии тиҷорати Тоҷикистон қарор дорад.
20.11.2026 17:43

Тоҷикистон дар шохиси ҷаҳонии рушди сайёҳӣ берун монд

Ҷумҳурии Тоҷикистон имсол дар шохиси нави ҷаҳонии Рушди сайёҳӣ ҷой нагирифт. Дар ин гузориш сабаби ба рӯйхат ворид нагардидани Тоҷикистон шарҳ дода нашудаст. Ин дар ҳолест, ки омори расмӣ мегӯяд, шумори сайёҳон афзоиш ёфтааст.