Кумаки Президенти мамлакат муҳтарам Эмомалӣ Раҳмон ба мардуми осебдида аз офати табиӣ дар шаҳри Кӯлоб расид.

Бинобар иттилои Хадамоти матбуоти раиси вилояти Хатлон, ба оилаҳои зарардида кӯмакҳои моддӣ ва маводи ниёзи аввал дастрас карда шуданд. Аз ҷумла, ба онҳо 230 тонна орд, 10 тонна шакар, 10 тонна макарон, 6,5 тонна биринҷ ва 6500 литр равғани растанӣ тақсим карда шуд.

Манбаъ меафзояд, ки барои фароҳам овардани шароити муваққатии зист 3 ошхонаи саҳроӣ, даҳҳо кат ва лавозимоти хоб, 350 хайма, 900 қолин, инчунин, беш аз ҳазор маҷмуи либос ва пойафзоли кӯдакона дастрас гардид.

"Ҷиҳати барқарорсозии инфрасохтор ва беҳтар намудани шароити зиндагии сокинон дастгоҳҳои таъминкунандаи об, садҳо метри мукааб тахта ва 60 тонна сӯзишвории дизелӣ интиқол дода шуд. Ҳамчунин, ба оилаҳои зарардида асбобу анҷоми рӯзгор ва масолеҳи сохтмонӣ барои барқарор намудани манзилҳои истиқоматӣ расонида шуданд", - омадааст дар иттилоия.

Dialog.tj