РУС ТОҶ
24 Октябр 2026,
шанбе, 06:57, Душанбе
Диалог. Тоҷикистон ва ҷаҳон
РУС ТОҶ
Сиёсати дохилӣ
26.11.2025 06:07

Дар маҷлиси Ҳукумат тақвияти энергетика ва чанд барномаи миллӣ барои солҳои 2026-2030 тасдиқ шуд

Рӯзи 25-уми ноябр таҳти раёсати Президенти Ҷумҳурии Тоҷикистон, Эмомалӣ Раҳмон маҷлиси навбатии Ҳукумати Ҷумҳурии Тоҷикистон доир гардид.

Дар оғози маҷлис Вазири энергетика ва захираҳои об Далер Ҷумъа Барномаи рушди соҳаи энергетикаи барқиро барои солҳои 2026-2030 муаррифӣ намуд. Тибқи иттилои пешниҳодгардида, мақсади асосии барнома таъмини амнияти энергетикӣ, коҳиши талафоти барқ ва афзоиши иқтидорҳои истеҳсолӣ мебошад.

Бар асоси ин барнома, то соли 2030 амалӣ сохтани натиҷаҳои зерин ба нақша гирифта шудаст:

  • 2680 МВт иқтидори нави барқӣ аз ҳисоби неругоҳҳои барқи обии нав;
  • 253 МВт аз ҳисоби азнавсозии неругоҳҳои амалкунанда;
  • 440 МВт барқарорсозии иқтидорҳои аздастрафта;
  • 1500 МВт аз ҳисоби энергияи офтоб;
  • Коҳиши талафоти барқ дар шабакаҳои интиқолӣ то 3%, дар шабакаҳои тақсимотӣ то 9%, расондани ҳаҷми содироти барқ ба 5 миллиард киловатт/соат.

Президенти кишвар ба вазорату идораҳо дастур доданд, ки барои иҷрои босамари барнома тадбирҳои зарурӣ андешида, ҳар сол ҳисобот пешниҳод намоянд. Ҳамчунин, супориш дода шуд, ки мавриди истифода қарор додани панелҳои офтобӣ дар манзили аҳолӣ ва пайваст шудани онҳо ба шабакаи барқ ҳамаҷониба омӯзиш дода шавад.

Сарвари кишвар зарурати тарғиби фарҳанги истифодаи сарфакоронаи неруи барқ миёни аҳолӣ ва пурзӯр намудани масъулият барои истифодаи ғайриқонунии барқ, аз ҷумла дар истеҳсоли криптовалютаро таъкид намуданд. Лоиҳаи тағйиру иловаҳо ба кодекси ҷиноятӣ ва қонунгузории андоз баъди муҳокима ба маҷлиси намояндагон ирсол гардид.

Дар идомаи маҷлис як қатор барномаҳои миллӣ барои солҳои 2026-2030 баррасӣ шуданд, аз ҷумла барномаҳои давлатии рушди соҳаи фарҳанг ва санъат дар Ҷумҳурии Тоҷикистон барои солҳои 2026-2030, рушди содироти Ҷумҳурии Тоҷикистон барои солҳои 2026-2030, рушди ҳудудҳои табиии махсус муҳофизатшаванда дар Ҷумҳурии Тоҷикистон барои солҳои 2026-2030, Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030 ва Барнома оид ба муқовимат ба эпидемияи вируси норасоии масунияти одам ва гепатитҳои парентералии вирусӣ дар Ҷумҳурии Тоҷикистон барои солҳои 2026-2030.

Дар фарҷоми маҷлис Пешвои миллат барои омодагӣ барои зимистон, таъмини захираҳои кофии маводи ғизоӣ, риояи қоидаҳои агротехникӣ дар вақти кишт, ҳамчунин, тадбирҳои ободонию созандагӣ ба пешвози 35-солагии истиқлолият дастурҳои иловагӣ доданд.

Dialog.tj

Хатти хабарҳо

Афғонистон
23.10.2026 14:15

Толибон бе Тоҷикистону Чин роҳи Долони Вахонро боз карданд. Чин гуфт, роҳ баста мемонад

Чанд рӯз қабл масъулони гурӯҳи террористии Толибон бидуни ҳузури Чин роҳи Долони Вахонро, ки Афғонистонро бо Чин мепайвандад, ифтитоҳ намуданд. Чин фавран изҳорот дод, ки роҳ ба таври якҷониба аз сӯйи масъулони Толибон ифтитоҳ шуда, баста боқӣ мемонад ва ҳеч гуна равобити транзитӣ дар ин минтақа сурат нахоҳад гирифт.
Муноқишаи Русия ва Украина
23.10.2026 13:55

Путин: “Шикасти Русия дар ҷанг ғайриимкон аст”

Владимир Путин, раиси ҷумҳури Русия изҳор дошт, ки шикасти ин кишвар дар майдони ҷанг ғайриимкон буда, идеяи расонидани шикасти стратегӣ ба Маскав воқеӣ нест. Ӯ ҳамчунин, гуфт, ки Русия нияти ҷанг бо Аврупоро надорад.
Чин
23.10.2026 13:45

Заминларза бо қувваи 7 бал дар Тибет: 16 нафар ба ҳалокат расида ва 65 тани дигар захмӣ шуданд

Дар пайи заминларза бо қувваи 7 бал дар минтақаи Сисзан (Тибет)-и Чин, ки шоми панҷшанбе рух дод, дастикам 16 нафар ба ҳалокат расида, 65 тани дигар захмӣ шудаанд. Си Ҷинпин, роҳбари давлати Чин дастур додааст, ки амалиёти наҷот бо тамоми нерӯ анҷом дода шавад.
Тандурустӣ
23.10.2026 11:00

Байни Тоҷикистону Узбекистон Ёддошти тафоҳуми ҳамкорӣ дар соҳаи ҳифзи иҷтимоӣ ба имзо расид

Дар доираи саммити ҷаҳонии “Сармоягузорӣ ба некӯаҳволии кӯдакон: роҳ ба сӯи рушди устувор ва одилона барои наслҳои оянда”, ки дар шаҳри Самарқанд доир гашт, вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдулллозода бо директори Агентии миллии ҳифзи иҷтимоии назди Президенти Ҷумҳурии Узбекистон Оллоёров Мансурбек вохурӣ намуд.
Матолиби ҷолиб дар ВАО
23.10.2026 09:07

Зеленский: “Сӯзишвории Русия наметавонад ба коҳиши назарраси нархҳо дар Амрико мусоидат кунад”

Раиси ҷумҳури Украина мегӯяд, ҳаҷми сӯзишвории дизелие, ки Русия тибқи созиши ахир бо Вашингтон таъмин мекунад, барои таъсир гузоштан ба нархҳо дар бозори Амрико кофӣ нест. Ӯ ҳамчунин, Доналд Трампро даъват кардааст, ки барои ба мизи музокирот овардани Владимир Путин аз фишори бештар истифода кунад.
Аврупо ва Америка
23.10.2026 08:59

Вэнс: “Фиристодаи вижаи Иёлоти Муттаҳида гуфтугӯҳо бо Русия ва Украинаро аз сар гирифт”

Ҷей Ди Вэнс, муовини раиси ҷумҳури Амрико, мегӯяд, ки Стив Уиткофф, фиристодаи вижаи ин кишвар, дар рӯзҳои ахир гуфтугӯ бо мақомоти Русия ва Украинаро аз сар гирифтааст.
Дунёи адабиёт
23.10.2026 08:49

Дар Тоҷикистон 1050-солагии Робиаи Балхиро таҷлил карданд

Ба муносибати 1050-солагии яке аз аввалин занони шоир дар адабиёти тоҷику форс Робиаи Балхӣ рӯзи 21-уми октябр дар Китобхонаи миллии Тоҷикистон таҳти унвони “Робиаи Балхӣ - нахустин нидои ишқ” ҳамоиши илмиву адабӣ баргузор гардид.
Гуфтори мустақим
22.10.2026 14:26

Ҳорун Самарқандӣ: “Ояндаи тоҷикони Афғонистон ба ташаккули стратегияи мустақили сиёсӣ вобаста аст

Ҳорун Самарқандӣ дар рустои Самарқанди вилояти Бағлони Афғонистон таваллуд шудааст. Дар даври ҳукумати устод Раббонӣ ба ҳайси донишҷӯ дар Донишгоҳи Кобул дарс хондааст. Дарсҳояш ба итмом нарасида, муқовимат бар зидди гурӯҳи террористии Толибон оғоз мешавад ва ӯ дар дафтари Аҳмадшоҳи Масъуд муддате кор мекунад. Баъди омадани ҳукумати ҷадид ба раҳбарии Ҳомид Карзай дарсҳояшро дар Донишгоҳи тиббии Кобул идома дода, ин донишгоҳро хатм мекунад. Дар ин давра дар созмонҳои байналмилалии тандурустӣ кор кардааст. Дар соли 2015 ӯ ба ҳайси масъули бахши тандурустӣ ва равонии вилояти Бағлон кор кардааст. Қабл аз фурӯпошии ҳукумати Ашраф Ғанӣ аз Кобул хориҷ шуд ва ҳоло дар Миср кору зиндагӣ мекунад. Ӯ як фаъоли ҷомеаи шаҳрвандӣ аст, ки дар шабакаҳои иҷтимоӣ аз ҳақи тоҷикон, забони форсӣ ва ҳамгироии мардуми форсизабон дифоъ мекунад.
Эрон
22.10.2026 11:16

Ироқчӣ ба Амрико бори дигар ҳушдор дод

Сайид Аббос Ироқчӣ, вазири корҳои хориҷии Ҷумҳурии Исломии Эрон дар паёми нави худ гуфт, Теҳрон омода аст бори дигар ба дипломатия имконият диҳад. Ӯ таъкид кард, ин ба он вобаста мебошад, ки Амрико барои эҷоди эътимод ва расидан ба роҳи ҳалли одилона омодагӣ нишон диҳад.