РУС ТОҶ
8 Июл 2025,
сешанбе, 16:12, Душанбе
Диалог. Тоҷикистон ва ҷаҳон
РУС ТОҶ
Узбекистон
21.06.2025 12:43

“Бунт” дар форуми Тошканд. Дар вақти суханронии Александр Новак намояндагони Амрико ва Аврупо ҷаласаро тарк карданд

Дар ҷаласаи умумии Форуми чоруми байналмилалии сармоягузории Тошканд дар вақти суханронии муовини сарвазири Русия Александр Новак беш аз 50 намояндаи Амрико ва Иттиҳоди Аврупо толорро тарк кардаанд.

Форуми мазкур ҳафтае қабл бо суханронии ифтитоҳии Президенти Ӯзбекистон Шавкат Мирзиеёв оғоз шуд. Дар нақша буд, ки ҷаласаи пленариро рӯзноманигор ва муҳаррири кулли “CNN Business” — Ричард Квест роҳбарӣ кунад, аммо ба гуфтаи манобеъ, баъди огоҳ шудан аз ширкати намояндаи ҳукумати Русия ӯ аз модираторӣ даст кашидааст.

Дипломатҳои аврупоӣ ин ҳодисаро “қадами намоёни сиёсӣ” арзёбӣ кардаанд. Ба гуфтаи онҳо Александр Новак суханрониашро бо паёми шодбошии Владимир Путин оғоз кард. Ин ҳодиса дар миёни ширкаткунандагони форум вокунишҳои гуногунро ба бор овардааст.

“Ҳамин ки ӯ ба сухан оғоз кард, намояндагони сиёсӣ ва иқтисодии Амрико ва бештари кишварҳои Иттиҳоди Аврупо бо эътироз толорро тарк карданд. Ман шахсан дидам, ки намояндагони Иёлоти Муттаҳидаи Амрико, Британия, Лаҳистон, Латвия ва Литва рафтанд. Ҳадди аққал 50 нафар бо ин рафтор норизоятии худро аз ширкати мақоми расмии Русия дар форум баён доштанд”- навиштаанд расонаҳои Ӯзбекистон.

Ёдовар мешавем, дар соли 2024 низ Ричард Квест модератори ҷаласаи пленарии форуми сеюм буд, вале он замон ҳайати Русия, ки раҳбариашро ёвари президенти Русия Максим Орешкин бар дӯш дошт, дар он суханронӣ накард.

Dialog.tj

Хатти хабарҳо

Саноат
08.07.2025 13:56

Тоҷикистон мехоҳад бо баргузории нахустин форуми нассоҷӣ сармоягузории хориҷиро ҷалб кунад

Дар пойтахти Тоҷикистон рӯзи сешанбе нахустин Форуми байналмилалии нассоҷӣ ва Намоишгоҳи таҷҳизот ва маҳсулоти нассоҷӣ ифтитоҳ гардид: иқдоме, ки мақомот онро як қадами муҳимми стратегӣ дар роҳи саноатишавии кишвар арзёбӣ мекунанд.
Шарқи Наздик
08.07.2025 13:46

Дар як амалиёти Ҳамос 20 низомии исроилӣ дар Ғазза куштаву захмӣ шудааст

Дар натиҷаи як амалиёти муштараки ҷангиёни фаластинӣ дар Навори Ғазза тақрибан 20 низомии исроилӣ захмӣ шудаанд, ки ҳолати 4 нафари онҳо бисёр вазмин арзёбӣ мегардад. Эҳтмоли афзоиши теъдоди қурбониён хеле зиёд аст.
Қазоқистон
08.07.2025 11:55

Трамп ба маҳсулоти воридотӣ аз Қазоқистон 25% боҷи гумрукӣ ҷорӣ кард

Президенти Иёлоти Муттаҳидаи Амрико Доналд Трамп бо содир кардани як қарор расман эълон кард, ки аз 1-уми августи соли 2025 ба воридоти тамоми молҳои истеҳсолии Қазоқистон боҷи гумрукӣ дар ҳаҷми 25% ҷорӣ мекунад. Ин иқдом, ба гуфтаи ӯ, посух ба “сиёсати нобаробарии тиҷоратӣ ва мавҷудияти монеаҳои гумрукӣ ва ғайригумрукӣ аз ҷониби Қазоқистон” аст.
Маъориф
08.07.2025 11:42

Озода Махкамова: “Аввал таҳсилу таҷрибаомӯзӣ баъд хизмат ба Ватан”

Тайи солҳои охир бо ташаббуси Ҳукумати мамлакат бо даҳҳо кишвари пешрафтаи дунё созишнома имзо гардида, ҷавонони зиёд аз ҳисоби бурсияҳои барои Ҷумҳурии Тоҷикистон ҷудошуда дар он давлатҳо таҳсил карда истодаанд. Ин иқдом ба ҷавонони тоҷик имкон медиҳад, ки бештару беҳтар касбҳои бозоргирро дар беҳтарин муассисаҳои олии касбӣ аз худ карда, мутахассиси сатҳи баланд гарданд. Дар ҳоли ҳозир зиёда аз 42 ҳазор ҷавони тоҷик дар макотиби миёна ва олии касбии хориҷи кишвар таҳсил карда истодаанд, ки умед аст пас аз хатм ба Ватан баргашта, дар соҳаҳои гуногун фаъолият менамоянд.
Иқтисод
08.07.2025 11:35

Путин: “БРИКС дар ҳоли табдил шудан ба як қувваи ҷаҳонии воқеӣ аст”

Владимир Путин, президенти Федератсияи Русия дар як паёми видеоӣ ба Маҷлиси умумии гурӯҳи БРИКС дар шаҳри Рио-де Жанейро аз нуфуз ва иқтидори афзояндаи ин эътирофи иқтисодиву сиёсӣ сухан гуфт. Ба гуфтаи ӯ, БРИКС имрӯз дигар на фақат як платформаи минтақавӣ нест, балки ба як маркази таъсиргузори ҷаҳонӣ табдил меёбад, ки метавонад ҷойгузини сохторҳои суннатии ҷаҳонӣ шавад.
Аврупо ва Америка
08.07.2025 11:23

“Ҳизби Амрико”. Илон Маск бар зидди низоми дуҳизбии Амрико қиём мекунад

Илон Маск, сарватмандтарин марди ҷаҳон ва мудири иҷроияи ширкати Тесло бо эълони таъсиси ҳизби сиёсие бо номи “Ҳизби Амрико” низоми сиёсии дуҳизбии Иёлоти Муттаҳидаро таҳти суол қарор дод. Ӯ ин иқдомро посухе ба “низоми фасодзадае, ки дигар мардуми Амрикоро намояндагӣ намекунад” унвон кард.
Эрон
08.07.2025 10:58

Чеҳраҳои саршиноси эронӣ мегӯянд “Ирон интернешнл” ба минбари террористон ва Исроил табдил шудааст

Як гурӯҳ нухбаҳои расонаӣ, иҷтимоӣ ва сиёсии Эрон, иборат аз 450 нафар бо нашри як изҳорот аз фаъолияти шабакаи телевизионии “Ирон интернешнл” шадидан интиқод намуда, гуфтаанд, ки ин расона дар ҷараёни ҳамлаи Исроил ба хоки Эрон ба минбари Исроил табдил шуда буд.
Аврупо ва Америка
08.07.2025 08:44

Нетаняҳу дар Кохи сафед дар бораи ҳамлаи дубора ба Эрон суҳбат мекунад

Дар ҳоле, ки музокироти эҳтимолии атомии Эрон бо Иёлоти Муттаҳида дубора дар маркази таваҷҷуҳи байналмилалӣ қарор дорад, мақомоти Исроил аз эҳтимоли гирифтани иҷозаи нав барои ҳамла ба Ҷумҳурии Исломии Эрон аз сӯи ҳукумати Доналд Трамп хабар медиҳанд.