Масъуд Пизишкиён, президенти Ҷумҳурии Исломии Эрон ба муносибати 35-умин солгарди Истиқлоли Тоҷикистон Президенти Ҷумҳурии Тоҷикистон Эмомалӣ Раҳмон ва мардуми ин кишварро табрик намуда, афзуд, ки Теҳрон рушди ҳамкориҳои ҳамаҷониба бо Душанберо дар авлавияти сиёсати худ қарор додааст.

Ӯ дар паёми табрикотии худ ба Эмомалӣ Раҳмон, президенти Ҷумҳурии Тоҷикистон робитаҳои таърихӣ, фарҳангӣ ва забонии ду кишварро яке аз заминаҳои муҳимми густариши муносибатҳои дуҷониба номид. Масъуд Пизишкиён таъкид кард, муштаракоти тамаддунӣ ва фарҳангии мардуми Эрону Тоҷикистон сармояи арзишманд барои таҳкими робитаҳои дӯстона дар миёни ду кишвар ба шумор меравад.

Масъуд Пизишкиён дар паёми худ робитаҳои таърихӣ, фарҳангӣ ва забонии ду кишварро яке аз заминаҳои муҳимми рушди муносибатҳои Тоҷикистону Эрон донист. Ӯ таъкид намуд, ки миёни ду кишвар робитаҳои деринаи таърихиву фарҳангӣ вуҷуд доранд ва ин муштаракот метавонанд барои наздиктар шудани муносибатҳои дуҷониба истифод шаванд.

“Пайвандҳои деринаи таърихӣ, фарҳангӣ, забонӣ ва муштаракоти тамаддунии ду кишвар, ҳамеша сармояи бузург, барои амиқтар ва густариш ёфтани муносибатҳои бародарона будааст”- зикр намуд президенти Эрон

Тибқи гуфтаи ӯ, Теҳрон рушди ҳамкориҳои ҳамаҷониба бо Тоҷикистонро дар маркази сиёсати хориҷии худ қарор додааст. Ӯ афзуд, Эрон омодаи густариши бештари муносибатҳо бо Тоҷикистон аст.

«Ҷумҳурии Исломии Эрон рушди ҳамкориҳои ҳамаҷониба бо Ҷумҳурии Тоҷикистонро дар авлавияти сиёсати хориҷии худ қарор дода ва бар азми қавии худ барои таҳкими ҳарчи бештари ин равобит ба манзури манфиатҳои мутақобил, таъмини субот ва амнияти минтақа ва боло бурдани фарҳанг ва адаби муштарак таъкид мекунад»,- зикр мекунад Президенти Эрон.

Президенти Эрон дар поёни паёми худ, Эмомалӣ Раҳмон, давлат ва мардуми Тоҷикистонро ба муносибати 35-солагии Истиқлоли кишвар табрик намуд. Ӯ Истиқлоли Тоҷикистонро “зуҳури соҳибихтиёрии миллӣ” ва оғози дигаргуниҳои бунёдӣ дар роҳи рушди кишвар номид. Тибқи гуфтаи ӯ, Истиқлоли Тоҷикистон бозгӯи “иродаи устувор ва талоши баланди мардуми Тоҷикистон” барои расидан ба Истиқлол, иззат ва сарбаландӣ аст.

Dialog.tj