Дар километри 127-уми шоҳроҳи байналмилалии Душанбе – Чаноқ бар асари бархӯрди ду воситаи нақлиёт ҳафт нафар захмӣ шуданд. Рӯзи сешанбе дар ин бора филиали ширкати «IRS» - масъули нигоҳдории роҳи мазкур хабар дод.

Ба гуфтаи манбаъ, мошинҳои тамғаи Mercedes ва Opel ба ҳам бархӯрд мекунанд ва дар натиҷаи ин ҳодиса мусофирони ин мошинҳо захмӣ мешаванд. Ба мусофирони захмишуда ёрии аввалияи тиббӣ расонида мешавад.

Масъулони «IRS» зикр кардаанд, ки пешгирӣ аз оқибатҳои фоҷеабор маҳз ба туфайли насби парапетҳои муҳофизатии вазин имкпонпазир гардид. Ин парапетҳо, ки ҳар яке беш аз 2,5 тонна вазн доранд, мошинҳоро аз афтодан ба дарё дар канори роҳ боз доштаанд.

Ширкат гуфтааст, ки чунин навъи таҷҳизоти муҳофизатӣ дар қисмҳои хатарноки роҳ пайваста насб шуда, борҳо ҷони шаҳрвандонро ҳифз намудааст. «IRS» таъкид мекунад, ки кори ҷиддии онҳо дар самти таъмини амнияти ҳаракат дар роҳ идома дорад.

Dialog.tj