То маросими ҷоизасупории маъруфтарин ҷоизаи инфиродӣ дар футбол – “Тӯби тиллоӣ” зиёда аз се моҳ мондааст, аммо коршиносон, таҳлилгарон, журналистони варзишӣ ва алоқамандони ин навъи варзиш аз довталабони гуногун ном мебаранд.

Пас аз ба охир расидани ҳама чемпионатҳои калидии мавсим (дар ҳоле ки дар пеш Чемпионати ҷаҳонии бошгоҳҳо моро интизор аст), ҳоло топ-5 довталаби асосӣ барои ба даст овардани “Тӯби тиллоӣ” инҳо мебошанд: Усмон Дембеле (Фаронса, “ПСЖ”), Рафиня (Бразилия, “Барселона”), Ламин Ямал (Испания “Барселона”), Килиан Мбаппе (Фаронса, “Реал Мадрид”) ва Муҳммад Салоҳ (Миср, “Ливерпул”)

Гуфта мешавад, ки аз миёни ин панҷгона муддаии асосӣ футболбози фаронсавӣ Усмон Дембеле мебошад, ки дар мавсими сипаригардида бо дастаи “ПСЖ” тамоми ҷоизаҳоро ба даст овард. Аз ҷумла, барандаи Лигаи 1, Ҷом ва Суперҷони Фаронса ва аз ҳама муҳим Лигаи чемпионҳо шуд.

Ёдовар мешавем, ки имсол маросими ҷоизасупории “Тӯби тиллоӣ” 22-юми сентябр доир мегардад, ки натиҷаҳои бадастовардаи футболбозон аз 1-уми августи соли 2024 то 31-уми июли соли 2025 ба инобат гирифта мешаванд.

Dialog.tj