Имрӯз, 10-уми июн дар доираи даври дуюми марҳилаи интихобии Ҷоми Осиё-2027 мунтахаби Тоҷикистон бо тими миллии Филиппин рақобат хоҳад кард.

Гуфта мешавад, ки дидори мазкур дар варзишгоҳи «Ню-Кларк-Сити»-и Филиппин, соати 19:00 ба вақти маҳаллӣ ва соати 16:00 ба вақти Душанбе доир мегардад.

Бояд гуфт, ки натиҷаи ин рақобат метавонад барои роҳ ёфтан ба марҳилаи ниҳоии Ҷоми Осиё-2027 нақши калидӣ бозад.

Дар нишасти матбуотии пеш аз бозӣ сармураббии дастаи мунтахаби Тоҷикистон Гела Шекиладзе чунин гуфт: “Мо дарк мекунем, ки бозӣ осон нахоҳад буд. Омодагии хеле хуб гузаронидем, аввал дар Қатар, баъд дар Камбоҷа ва марҳилаи сеюми омодагӣ аллакай инҷо сипарӣ шуд. Ҷиҳатҳои қавӣ ва заифи ҳарифро таҳлил кардем. Бозигарони мо аҳамияти вохӯриро мефаҳманд. Танҳо барои ғалаба бозӣ хоҳем кард”.

Ҳамчунин, дар нишасти матбуотии пеш аз бозӣ дарвозабони тими миллӣ Рустам Ятимов гуфт: “Дар майдони рақиб натиҷаи мусбат ба даст овардан осон нест, вале мо то дақиқаи охир барои ғалаба мубориза мебарем”.

Dialog.tj