Дар шаҳри Душанбе рӯзи 22-уми май бозии дӯстона миёни ситораҳои маъруфи футболи Тоҷикистон ва Русия бозии дӯстона доир мегардад. Федератсияи футболи Тоҷикистон хабар додааст, ки ин бозӣ ба муносибати Рӯзи ҷаҳонии футбол, ки 25-уми май аст, доир мешавад.

Тибқи иттилоъ, бозии дӯстона дар Варзишгоҳи марказии шаҳри Душанбе, собиқ стадиони “Фрунзе” доир мешавад.

Дар ҳайати дастаи Тоҷикистон футболистҳои маъруф ба бозӣ мебароянд. Аз ҷумла, Валерий Турсунов, Олег Ширинбеков, Аслиддин Ҳабибуллоев, Раҳматулло Фузайлов, Акмал Холматов, Рустам Хоҷоев, Суҳроб Ҳамидов, Тоҳир Муминов, Субҳон Ҳоҷамов, Хуршед Муминов, Одил Иргашев ва дигарон бозӣ хоҳанд кард.

Дастаи футболи Русияро футболбозони маъруфи ин кишвар, аз ҷумла Ринат Дасаев, Игор Титов, Дмитрий Аленичев, Валерий Шмаров, Сергей Киряков, Элдар Низамутдинов ва дигарон намояндагӣ хоҳанд кард. Футболистҳои маъруфи номбаршуда дар замони ҳокимияти Иттиҳоди Шӯравӣ дар ҳайати мунтахаби Тоҷикистон ва Русия бозӣ кардаанд.

Ворид шудан ба варзишгоҳ озод аст.

Dialog.tj