


Толибон дар Боку. Наздикшавии Толибон бо Озарбойҷон нигарониҳоро дар Теҳрон ва минтақа афзоиш додааст

Дипломати афғонистонӣ мегӯяд Русия бо эътирофи Толибон хатои Шӯравиро такрор мекунад

Раиси Ситоди артиши Эрон мегӯяд, ҳадафи Исроил ва Амрико нобуд кардани низом ва таҷзияи Эрон буд

Ато Муҳаммади Нур мегӯяд, қарори Маскав Афғонистонро ба майдони рақобати қудратҳо табдил медиҳад
Гуфтугӯи сесоатаи Аббос Ироқчӣ бо Сергей Лавров дар Маскав
Вазирони корҳои хориҷии Эрон ва Русия дар ин мулоқот дар хусуси мавзуъҳои мухталиф, аз ҷумла робитаҳои дуҷониба, таҳаввулоти минтақавӣ ва байналмилалӣ, вазъ дар ғарби Осиё, Фаластин, Сурия, Лубнон, Яман, Афғонистон, баҳри Каспий, Қафқоз, Украина ва ҷараёни музокироти ғайримустақим миёни Эрон ва Амрико гуфтугӯ намуданд.
Аббос Ироқчӣ ва Сергей Лавров ба аҳамияти бастани қарордоди ҳамкории ҳамаҷонибаи стратегии Ҷумҳурии Исломии Эрон ва Федератсияи Русия ба унвони намоди муҳимтарини ҳамкории ду кишвар ишора карда, таъкид намуданд, ки ин қарордод метавонад заминаи рушди ҳамкориҳои стратегии ду кишвар дар бахшҳои сиёсӣ, иқтисодӣ, тиҷоратӣ, гардишгарӣ, илмӣ-таҳқиқотӣ, донишгоҳӣ, расонаӣ ва ҳамкориҳои мардумиро фароҳам созад.
Ҷонибҳо аз афзоиши мубодилаи тиҷоратӣ миёни ду кишвар изҳори қаноатмандӣ намуда, зарурати шинохти зарфиятҳои истифоданашуда ва баҳрабардорӣ аз онҳоро таъкид намуданд.
Аббос Ироқӣ таъкид кард, ки Эрон ба рушди муносибатҳои ҳамаҷониба бо Русия аҳамияти зиёд медиҳад. Ӯ гуфт, мавқеъгирии усулии Ҷумҳурии Исломии Эрон дар баробари таҳаввулоти Фаластин, Лубнон ва Афғонистон муҳим аст.
“Эрон бо диққат таҳаввулоти минтақаро пайгирӣ мекунад, ба зарурати барқарории сулҳ ва суботи пойдор, ҳифзи соҳибихтиёрӣ ва якпорчагии кишварҳои минтақа, дурӣ аз дахолати бегонагон ва пешгирӣ аз сӯистифодаи гурӯҳҳои террористӣ ва таҷовузи режими Исроил пофишорӣ дорад” – гуфт Аббос Ироқчӣ.
Сергей Лавров дар ин мулоқот робитаҳои хуби Русия ва Эронро дар ростои манфиатҳои ҳар ду миллат арзёбӣ намуда, аҳамияти қарордоди ҳамкориҳои ҳамаҷонибаи стратегиро заминагузори густариши равобит дар бахшҳои сиёсӣ, иқтисодӣ, тиҷоратӣ, нақлиёт, энергетика, фарҳангӣ ва сайёҳӣ донист.
“Путин, президенти Русия ва Вазири корҳои хориҷии Эрон рӯзи панҷшанбе гуфтугӯҳои пармазмун доштанд ва президент аз натиҷа хеле қаноатманд аст. Ин музокирот нишон медиҳад, ки гуфтугӯҳои сиёсӣ миёни ду кишвар ба марҳилаи нав ва беназири фаъолият расидаанд” – таъкид кард Сергей Лавров.
Dialog.tj
Хатти хабарҳо
Нетаняҳу дар Кохи сафед дар бораи ҳамлаи дубора ба Эрон суҳбат мекунад
Садир Жапаров бо сафари давлатӣ ба Тоҷикистон омад
Панҷакент. Боздошти се кас барои муомилоти ғайриқонунии маводи мухаддир
41 ҳазору 849 нусха адабиёт ба фонди Китобхонаи миллӣ ворид гардид
