Дар шаҳри Гулистони вилояти Суғд корҳои ободониву сохтмонӣ ва таъсису ифтитоҳи корхонаҳои бузурги саноатӣ идома дорад. Ин тадбирҳо дар чорчӯби омодагӣ ба ҷашни 35-солагии Истиқлоли давлатии ҷумҳурӣ анҷом дода мешавад. Дар ин хусус, дафтари матбуоти вилояти Суғд хабар додааст.

Тибқи иттилоъ, таваҷҷуҳи асосӣ ба рушди соҳаи саноат ва таъсиси корхонаҳои нави истеҳсолӣ равона гардидааст. Раиси вилояти Суғд Раҷаббой Аҳмадзода дар сафари ахираш ба шаҳри Гулистон аз ҷараёни бунёди иншоотҳо, насби таҷҳизоти муосир, ҳамчунин, корҳои амалишуда дар як қатор майдонҳои муҳимми истеҳсолӣ шинос гадид.

Ҳоло дар шаҳри Гулистон бунёди корхонаи ҶДММ “Тиглат” идома дорад, ки ҳадафи он истеҳсоли навъҳои гуногуни ранг ва маҳсулоти ороишии сохтмонӣ аст.

Гуфта мешавад, ки баъди анҷоми корхона беш аз 70 нафар сокинони маҳаллӣ бо ҷойи кор таъмин хоҳанд шуд. Корхона бо таҷҳизоти истеҳсолии муосири Туркия ва Чин, ки ҷавобгӯи стандартҳои соҳавӣ мебошанд, муҷаҳҳаз гардидааст. Илова ба истеҳсоли рангҳо, дар ин корхона истеҳсоли қутиҳо бо андозаҳои мухталиф ба роҳ монда мешавад. Дар маҷмуъ, дар ин корхона 20 навъи мухталифи ороиши сохтмон истеҳсол хоҳад шуд.

Раҷаббой Аҳмадзода бунёди корхонаи мазкурро қадами саривақтӣ дар роҳи татбиқи ҳадафи чоруми миллӣ – индустрикунонии босуръати кишвар номида, дастур дод, ки ба сифати маҳсулоти истеҳсолӣ аҳмияти махсус зоҳир карда шавад.

Ҳамчунин, дар минтақаи саноатии шаҳр маҷмааи сарднигоҳдории ҶДММ “Сеганҷ” бунёд карда мешавад. Иншоот барои нигаҳдории маҳсулоти кишоварзӣ дар тӯли сол пешбинӣ шудааст. Анбор ҳаҷми ғунҷоиши 600 тонна маҳсулотро дошта, аз 10 бахш, аз ҷумла 8 бахш барои нигоҳдории мева ва сабзаҷот, 2 бахши дигар барои маҳсулоти гӯштӣ иборат мебошад. Технологияҳои чиние, ки дар бунёди сохтмон истифода мешавад, имконият медиҳад, ки ҳарорати дохилӣ вобаста ба навъҳои маҳсулот ба таври автоматӣ танзим карда шавад.

Раҷаббой Аҳмадзода дар доираи сафари корӣ бо фаъолияти фабрикаи мурғи ҶДММ “Мурғи заррин” шинос гардид. Иқтидори истеҳсолии корхона то 20 ҳазор мурғи бройлериро ташкил медиҳад. Дар ҳоли ҳозир дар ферма 11 ҳазор мурғ нигоҳ дошта мешавад.

Илова бар ин, раиси вилоят бо фаъолияти фабрикаи мурғи ҶДММ «Мурғи заррин» шинос гардид. Иқтидори истеҳсолии корхона то 20 ҳазор сар мурғи бройлериро ташкил медиҳад. Дар ҳоли ҳозир дар ферма 11 ҳазор сар мурғ нигоҳдорӣ мешавад, чаҳор қафаси парвариши мурғ сохта шудааст ва корҳои сохтмонӣ бо истифода аз таҷҳизоти муосир идома доранд.

Dialog.tj