Шумораи гардишгарони хориҷие, ки ба кишварҳои Осиёи Марказӣ сафар кардаанд, дар соли 2024 ба таври бесобиқа афзоиш ёфтааст. Бар асоси иттилооти протали “Finprom.kz”, ки дар заминаи омори мақомот асос ёфтааст, дар соли 2024 шумораи умумии сайёҳони хориҷӣ дар Қазоқистон, Ӯзбекистон, Қирғизистон ва Тоҷикистон ба 28,6 миллион нафар расидааст. Дар ин хусус хабаргузории давлатии “Казинформ” низ хабар медиҳад.

Тибқи иттилоъ, дар муқоиса ба соли 2023 шумораи вуруди сайёҳони хориҷӣ ба кишварҳои Осиёи Марказӣ 11% афзоиш ёфтааст. Афзоиши шумораи сайёҳони хориҷӣ беш аз ҳама дар Қазоқистон ба қайд гирифта шудааст.

Бар асоси иттилои Вазорати сайёҳӣ ва варзиши Ҷумҳурии Қазоқистон дар соли 2024 ин кишвар 15,3 миллион сайёҳони хориҷиро қабул намудааст, ки аз ин миқдор 10,4 миллион нафари онҳо беш аз як рӯз дар Қазоқистон боқӣ мондаанд. Давомнокии муҳлати будубоши сайёҳони хориҷӣ дар ин кишвар беш аз 4 рӯзро ташкил додааст. Афзоиши шумори сайёҳон дар муқоиса бо соли 2023 беш аз 1,2 миллион нафар ё 13% будааст.

Дар мақоми дувум дар миёни кишварҳои Осиёи Марказӣ барои ҷалби сайёҳони хориҷӣ Қирғизистон қарор гирифтааст. Тибқи иттилои расонаҳои маҳаллӣ, бо ишора ба Фонди дастгирии рушди сайёҳии Қирғизистон, дар соли гузашта ба ин кишвар 8,6 миллион сайёҳи хориҷӣ сафар кардааст. Ин рақам ба як кишваре, ки 7,2 миллион аҳолӣ дорад, нишондиҳандаи ҳайратовар аст.

Ӯзбикистон низ дар миёни кишварҳои Осиёи Марказӣ бо афзоиши шумораи сайёҳони хориҷӣ нишонаи барҷастаи афзоишро дорад. Дар соли 2024 шумораи сайёҳони хориҷӣ ба 8 миллион нафар расид, ки афзоиши 20% -ро нишон медиҳад.

Тибқи иттилои омори Кумитаи омори Ӯзбекистон 6,3 миллион нафар ё 79,4% сайёҳони хориҷие вориди ин кишвар шудаанд, ки марзро бо пойи пиёда тай кардаанд. Дар моҳи декабри соли 2024 Ӯзбекистон Кодекси байналмилалии ҳифзи сайёҳонро имзо намуд. Ин кишвар дар сатҳи байналмилалӣ уҳдадориҳои худро оид ба тақвияти кафолатҳо ва ҳимояи ҳуқуқи сайёҳон нишон дод.

Вазъияти рушди сайёҳӣ дар Тоҷикистон низ назаррас аст. Сайёҳони асосии ин кишвар шаҳрвандони Ӯзбекистон мебошанд, ки ҳиссаи онҳо дар миёни сайёҳони кишварҳои хориҷӣ 61% -ро ташкил медиҳад. Қисмати бузурги сайёҳони хориҷии Тоҷикистон беш аз 26,9% -ро сайёҳони рус ташкил медиҳанд. Сайёҳони Қазоқистон нисбатан камтар мебошанд, яъне танҳо  2,6%. Яке аз монеаҳои асосӣ миёни Тоҷикистон ва Қазоқистон барои рушди сайёҳии марзӣ набудани марзи муштарак миёни ин ду кишвар аст.

Кишвари Тоҷикистон ба таври фаъолона сохтори туризмро тақсим мекунад.

Дар гузориши хабаргузории давлатии “Казинформ” омори дақиқ дар хусуси афзоиши сафари сайёҳони хориҷӣ ба Туркманистон нашр нашудааст. Дар гузориш таъкид шудааст, ки иттилооти марбут ба сафари сайёҳон ба Туркманистон дастнорас аст.

Dialog.tj