UFC рақиб ва санаи муҳорибаи навбатии размкори бебохти тоҷик Нурулло Алиевро расман эълон кард.

Тибқи иттилои хадамоти матбуоти ташкилоти мазкур, Нурулло Алиев 24-уми октябр дар мусобиқаи UFC 333, ки дар Абу-Даби баргузор мегардад, бо Грант Давсон рақобат мекунад.

Нурулло Алиев 25-уми июли соли равон охирин муҳорибаашро гузаронида, ғолиб омада буд ва пас аз он варзишгари эронитабори амрикоӣ Бениел Дариушро ба муҳориба даъват карда буд. Ташкилоти UFC ба варзишгари тоҷик рақибе доданд, ки ҳоло дар рейтинги вазни сабук дар ҷойи 15-ум қарор дорад.

Бояд гуфт, ки ин рақобати муҳимтарини корномаи Нурулло Алиев мешавад, зеро аввалин намояндаи Тоҷикистон аст, ки дар UFC бо варзишгаре муҳориба мекунад, ки дар рӯйхати беҳтаринҳои вазни худ қарор дорад. Дар сурати ғалаба, роҳи Нурулло Алиев боз ҳам барои расидан ба камарбанд ҳамвор мешавад, зеро варзишгароне, ки дар топ-15 қарор мегиранд, имкони зиёд доранд.

Dialog.tj