Дар Ҷумҳурии Тоҷикистон аз 5-ум то 9-уми октябр Бозиҳои 20-уми Делфии ҷавонони кишварҳои аъзои Иттиҳоди Давлатҳои Мустақил баргузор мегардад.

АМИТ «Ховар» бо такя ба маълумоти Вазорати фарҳанги Тоҷикистон иттилоъ медиҳад, ки дар назар аст иштирокчиён аз рӯйи номинатсияҳои фортепиано, скрипка, санъати тасвирӣ, созҳои нафасӣ, сарояндаи академӣ, анъанавӣ, эстрадӣ ва рақси халқӣ ҳунарнамоӣ намоянд.

“Ҳадафи баргузории Бозиҳои Делфӣ дарёфти ҷавонони соҳибистеъдод, ҳавасмандгардонии фаъолияти эҷодӣ, баланд бардоштани сатҳи зебоишиносӣ, маънавиёти наврасону ҷавонон ва тарғиби арзишҳои фарҳанги миллӣ мебошад”, - навиштааст манбаъ.

Гуфтан бамаврид аст, ки моҳи октябри соли 2022 Дар Ҷумҳурии Тоҷикистон нахустин маротиба Бозиҳои 16-уми Делфии ҷавонони кишварҳои аъзои Иттиҳоди Давлатҳои Мустақил баргузор шуда буд, ки дар он зиёда аз 400 нафар аз кишварҳои ИДМ иштирок намуданд.

Dialog.tj