Дар ҳамоиши илмие, ки оид ба рушди “иқтисоди сабз” таҳти раёсати Азиз Ғиёсзода, раиси Комиссияи экологии Маҷлиси намояндагони Маҷлиси Олии Ҷумҳурии Тоҷикистон доир гашт, масъалаи рушди иқтисоди сабз мавриди таҳлил ва арзёбӣ қарор гирифт. 

Дар ин ҳамоиш зикр шуд, ки минтақа дар шароити буҳрони сегонаи хавфи экологӣ, тағйирёбии иқлим, коҳишёбии гуногунсозии биологӣ ва ифлосшавии муҳити зист қарор дорад.

Барои шароити Ҷумҳурии Тоҷикистон, ки мамлакат аз лиҳози таъсири тағйирёбии иқлим осебпазир арзёбӣ гардидааст, масълаи устуворӣ ба ин гуна буҳрони экологӣ ба як авлавияти стратегӣ табдил ёфтааст.

Афзоиши аҳолӣ, рушди саноат, васеъ шудани сохтмон ва зиёдшавии воситаҳои нақлиёт боис гардидааст, ки ҳаҷми партовҳо бо суръат афзоиш ёбанд.

Рушди “иқтисоди сабз” ва иқтисоди даврӣ дар Ҷумҳурии Тоҷикистон самтҳои муҳимми сиёсати иқтисодӣ ва экологӣ маҳсуб шуда, бо ҳадафи расидан ба рушди устувор ва коҳиш додани таъсири манфии иқтисод ба муҳити зист татбиқ мешаванд.

Dialog.tj