Аз 15-уми сентябр дар Қазоқистон қабули аризаҳо барои истифодаи пасандозҳои нафақавӣ бо ҳадафи пардохти хизматрасониҳои стоматологӣ қатъ мегардад.

Бар асоси иттилои расмӣ аризаҳое, ки то 15-уми сентябр пешниҳод шудаанд, тибқи тартиби муқаррарӣ баррасӣ карда мешаванд. Дар бораи санаи эҳтимолии аз сар гирифтани қабули арзизаҳо бонк дертар иттилоъ хоҳад дод.

Ин қарор баъди он гирифта шуд, ки Агентии мониторинги молиявии Қазоқистон ҳолатҳои зиёди суистифода ва нақшаҳои қалбакӣ дар истифодаи маблағҳои нафақавӣ барои хизматрасониҳои стоматологиро ошкор кард. Фақат дар соли гузашта аз ҳисоби чунин схемаҳо беш аз 200 миллиард танга аз фонди ягонаи нафақавӣ берун карда шудаанд.

Тибқи иттилои “Отбасы банк” шаҳрвандон барои табобати дандон аз пасандозҳои нафақавии худ 435, 1 миллиард танга равон кардаанд, ки 98 фоизи он ба протез ва имплантатсия рост меояд.

Дар вақти санҷиш ҳолатҳои қалбакии зиёд ошкор шудаанд, аз ҷумла:

Қабули ғайривоқеии то 70 бемор дар як рӯз аз ҷониби баъзе стоматологияҳо, пешниҳоди аризаҳо аз номи мизоҷоне, ки ҳатто ба клиника нарафтаанд, истифодаи ҳуҷҷатҳои тиббии сохта ва ташхиси абсурд.

Ҳамчунин, дар ҳисоботи бонк зикр шудааст, ки як қатор клиникаҳо бо даромади 91 миллиард танга аз ҳисоби ЕНПФ ҳамагӣ 63 миллион танга андоз пардохтаанд, ки ба 0, 07% баробар буда, нишонаи возеҳи сохтакориҳо мебошад.

Dialog.tj