Мақомоти Қазоқистон тасмим гирифтаанд, ки бо пешниҳоди вакилони парлумон як иди нави миллӣ – Рӯзи Тулпарро дар ин кишвар ташкил кунанд. Тулпар як аспи машҳури Қазоқистон аст, ки ба ҳайси намоди миллии ин кишвар шинохта мешавад.

Олжас Бектенов, сарвазири Қазоқистон дар посух ба дархости гурӯҳи вакилони парлумон барои ташкили иди миллии Рӯзи Тулпар хабар дода, гуфтааст, ки ҳукумат дар ин маврид чора мебинад.

Вакилони парлумони Қазоқистон бо нигаронӣ аз вазъи рушди соҳаи аспарварӣ ба ҳукумат муроҷиат карда, як қатор мушкилоти мавҷударо номбар намуданд. Ба гуфтаи онҳо, воридоти гӯшти аспи сифаташ паст, вуҷуд надоштани таҳсилоти касбӣ дар соҳаи аспарварӣ ва зарурати навсозии ипподромҳо масъалаҳои асосии ҳалталаби ин соҳа мебошад.

Вакилон парлумон пешниҳод кардаанд, ки дар саросари кишвар на камтар аз панҷ маҷмааи мусоири асппарварӣ бунёд карда шуда, маблағгузории муассисаҳои илмии соҳавӣ афзоиш ёбад. Ҳамзамон, онҳо ташкил кардани Рӯзи милли Тулпарро ҳамчун ҷашни миллӣ пешниҳод кардаанд.

Сарвазири Қазоқистон Олжас Бектенов дар посух ба ин пешниҳод гуфт, ки асппарварӣ дар доираи барномаҳои рушди давлатии маҷмуи агросаноатӣ амалӣ мешавад. Дар панҷ соли охир барои рушди ин соҳа беш аз 9, 4 миллиард танга ҷудо шудааст, ки фақат барои соли равон тақрибан 900 миллион танга пешбинӣ шудааст.

Олжас Бектенов гуфт, ки ба шахсони фаъол дар соҳаи аспарварӣ субсидияҳои сармоягузорӣ то 25% фоиз барои хариди таҷҳизот, ҳамчунин, қарзҳои имтиёзнок ва лизинг барои гирифтани асп ва лавозимот пешниҳод мешавад.

Dialog.tj