Вазорати тиҷорати Қазоқистон гуфт, ки ин кишвар дар соли гузашта ба 4,6 миллиард доллар уран содир кардааст, ки дар қатори нафт яке аз маҳсулоти асосии содиротӣ аст. Ин вазорат гуфтааст, ки дар соли гузашта Чин, Русия ва Италия бузургтарин шарикони тиҷоратии Қазоқистон будаанд.

Вазорати тиҷорати Қазоқистон гуфтааст, ки маҷмуи даромади содиротии ин кишвар дар соли гузашта ба 81 миллиард доллар расид, ки нисфи он аз ҳисоби содироти нафт аст. Даромади Қазоқистон аз ҳисоби содироти нафт дар соли гузашта 42,9 фоизро ташкил додааст, ки 52,5 фоизи кулли даромад аз ҳисоби содирот мебошад.

Қазоқистон ҳамчунин, ба 4,6 миллиард доллар уран, ба 4,1 миллиард доллар мис ва ба 3,2 миллиард санги маъдан содир кардааст. Воридоти Қазоқистон дар соли гузашта афзоиш дошта ва муҳимтарин маҳсули воридотӣ мошин дар ҳаҷми 2,3 миллиард доллар будааст. Ҳамчунин, ҳавопаймо ба 1, 8 миллиард доллар, маҳсулоти доруворӣ ба 1,7 миллиард доллар ва таҷҳизоти мухобирот ба ин кишвар ворид шудааст.

Тибқи иттилои расонаҳо Қазоқистон ба ҳайси муҳимтарин тавлидкунандаи ашёи хоми уран ва таъминкунандаи санъати атомии Амрикову Фаронса дар мавриди таваҷҷуҳи Чин ва Русия қарор гирифта ва ин амр боиси нигаронии Амрикову Фаронса шудааст.

Dialog.tj