Аз 9-ум то 11-уми майи соли равон дар шаҳри Остонаи Қазоқистон мусобиқаи байналмилалии сайри ҷаҳонии ҷудо “Qazaqstan Barysy Grand Slam-2025” доир мегардад, ки дар он 9 варзишгари тоҷик низ иштирок мекунанд.

Гуфта мешавад, ки Тоҷикистонро дар ин мусобиқа Абдулло Қуқаншоев (-60 кг), Икром Шамсов (-60 кг), Беҳрӯзи Хоҷазода (-73 кг), Масъуди Аҳмадзод (-73 кг), Суннатулло Мусоев (-81 кг), Муҳаммад Юсуфзода (-81 кг), Мизробшо Лоиқов (-90 кг), Сомонӣ Кишваров (-100 кг) ва Муҳсин Малаев (-100 кг) намояндагӣ мекунанд.

Гуфта мешавад, ки барои иштирок дар мусобиқаи мазкур 397 варзишгар (222 мард ва 175 зан) аз 47 кишвар номнавис шудаанд.

Зикр мегардад, ки ба гирандагони мадели тилло 5000 евро, барандагони медали нуқра 3000 евро ва онҳое, ки нишони биринҷӣ мегиранд 1500 евро ба даст меоранд.

Ҳамзамон, ба ҷуз ҷоизаи пулӣ, ҷудокорон баробари ба даст овардани ғолибият имтиёз мегиранд, ки албатта, барои боло рафтани мавқеашон дар феҳристи ҷаҳонии ҷудо таъсир мерасонад.

Dialog.tj