Мақомоти полиси шаҳри Алмаатои Ҷумҳурии Қазоқистон дар бораи боздошт ва ихроҷи муҳоҷирони хориҷие иттилоъ доданд, ки қоидаҳои будубош дар ин кишварро вайрон кардаанд. Дар ин хусус, расонаҳои қазоқистонӣ хабар медиҳанд.

Тибқи иттилои мақомоти полис шаҳрвандони Ӯзбекистон, Тоҷикистон ва Русия бо вайронкунии ҷиддии қонунҳои муҳоҷират дар ин кишвар ба сар мебурданд. Ҳамин тавр, онҳо дар асоси амалиёти ҷумҳуриявии “Роҳи бехатар” боздошт гардиданд.

Дар натиҷаи амалиёт, нисбати 330 нафар барои вайрон кардани қонунҳои муҳоҷират чораҳои маъмурӣ андешида шуд. 28 шаҳванди хориҷӣ аз ҳудуди Қазоқистон депорт шуданд. Ҳамчунин, 2319 хориҷӣ барои вайрон кардани қоидаҳои будубош дар Қазоқистон ба ҷавобгарии маъмурӣ кашида шуданд. 89 нафари қабулкунандаи муҳоҷирон барои риоя накардани қоидаҳои қонуни будубоши муҳоҷирон ҷарима шуданд.

Еркин Амантавев, сардори Раёсати хадамоти муҳоҷирати Алмаато гуфт, ки чораҳои назоратӣ нисбат ба муҳоҷирати ғайриқонунӣ ва ҳузури шаҳрвандони хориҷӣ дар ин кишвар пурзӯр карда мешавад.

Dialog.tj