Дар ҳамлаи мушакии ҳусиҳои Яман ба майдони ҳавоии байналмилалии Шоҳ Холид ба шаҳри Эр-Риёз, пойтахти Арабистони Саудӣ 12 нафар куштаву 309 нафари дигар захмӣ шудаанд.

Дар ин хусус, рӯзи 11-уми октябр Агентии кулли авиатсияи граждании Арабистони Саудӣ хабар дод.

Тибқи иттилоъ, ҳамла рӯзи 10-уми октябр сурат гирифт. Дар миёни афроди кушташуда чор шаҳрванди Арабистони Саудӣ, ду шаҳрванди Бангладеш, як шаҳрванди Амрико, шаҳрвандони Миср, Урдун, Сурия, Фаластин ва Судон мебошанд. Баъзе захмиёни ин ҳодиса дар ҳолати вазнин қарор доранд.

Эътилофи таҳти роҳбарии Арабистони Саудӣ, ки дар ҷанги Яман ширкат дорад, масъулияти ҳамларо бар дӯши ҳусиҳои Яман гузоштааст. Расонаҳо навиштанд, ки ҳадафи ҳамла яке аз терминалҳои мусофирбарии майдони ҳавоӣ аст.

Баъди ҳамла барои муддате фаъолияти фурудгоҳ муваққатан боз дошта шуда, парвозҳои Эр-Риёз аз дигар фурудгоҳ анҷом дода мешавад. Мақомоти Арабистонӣ Сауди дар бораи хисорати ҳамла ҳанӯз иттилоъ надодаанд.

Dialog.tj