Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз боздошти ду корманди мақомоти ҳифзи ҳуқуқ хабар дод, ки бо ваъдаи қатъи парвандаи ҷиноятӣ аз шаҳрванде 30 ҳазор сомонӣ гирифтаанд.

Тавре ки маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар медиҳад, Саидзода Ҷ.С., ки аз 25-уми ноябри соли 2024 инҷониб дар вазифаи навбатдори калони оперативии шуъбаи назорати таҳлилии РВКД Ҷумҳурии Тоҷикистон дар вилояти Хатлон фаъолият мекард, бо ёрдамчии ҳамин шуъба Раҳмонзода А.У. моҳи июни соли 2025 бо роҳи фиреб ба боварии шаҳрванд Ч.Г.А. даромада, аз номбурда бо боҳонаи қатъ кардани парвандаи ҷиноятӣ нисбати писараш Ч.Э.Х., ки дар истеҳсолоти муфаттишони РВКД дар вилояти Хатлон қарор дошт, 30 сомонӣ гирифтаанд.

Гуфта мешавад, ки Саидзода Ҷ.С. ва Раҳмонзода А.У. баъди гирифтани маблағ ба манфиати шаҳрвандон Ч.Г.А. ва Ч.Э.Х. ягон амали муайянро иҷро накардаанд.

Иттилоъ дода мешавад, ки нисбати Саидзода Ҷ.С. ва Раҳмонзода А.У.  бо моддаи 247 қисми 3 банди «а»  КҶ Ҷумҳурии Тоҷикистон парвандаи ҷиноятӣ оғоз гардида, парвандаи ҷиноятӣ бо тасдиқи фикри айбдорӣ барои моҳиятан баррасӣ намудан ба суд ирсол гардидааст.

Dialog.tj